A Mariña, 11 de setembro de 2020. A Fraga da Furna, na Serra do Xistral, e Mondoñedo serán as seguintes paradas de A Mariña en Ruta, os roteiros que organizou a Mancomunidade de Concellos de A Mariña Lucense durante os meses de agosto e setembro.
Mañá, día 12, terá lugar a ruta á Fraga da Furna, que guiará Óscar Chao. A Fraga de Furna é unha ruta de interpretación de ecosistemas característicos da Serra do Xistral. Pretende ser unha iniciación á procura e interpretación de indicios de presenza de fauna silvestre (pegadas, excrementos, depredacións…). A ruta discorre por unha das fragas mellor conservadas do norte galego, onde os asistentes terán a oportunidade de analizar a súa orixe xeolóxica, a súa fauna e flora asociadas, e comprobarán o contraste cos ecosistemas de altura e turbeiras de cobertor, así como a presenza de diferentes especies animais, normalmente esquivas e de hábitos nocturnos, a través de cámaras de foto-trampeo.
Municipio: O Valadouro.
Data: 12 de setembro do 2020.
Hora de inicio: 10:00 horas.
Duración: 2 horas e media.
Lugar de inicio: Capela de Santa Filomena do Cadramón, O Valadouro. Coordenadas: 43.483430, -7.523549.
Dificultade: Media.
Observacións: A ruta deseñada é de escaso desnivel, pero debe terse en conta que se cruzará un río en diversas ocasións, polo que se recomenda un calzado resistente á auga. Recomendable levar prismáticos, crema solar e repelente de insectos. Suxírese levar roupa axeitada, con pantalón longo. Debido á situación sanitaria derivada do SARS-Cov2, ofrecerase material de consulta e información da ruta para descargar a través de código QR, polo que se o desexan deberán ter instalada nos seus dispositivos unha app de lectura de códigos.
Prazas dispoñibles: Xa non quedan. A ruta está completa.
Xa o 20 de setembro desenvolverase unha ruta pola cidade episcopal. Denomínase Mondoñedo, as mil historias e será guiada por Claudia del Pino. Trátase dun paseo cultural por Mondoñedo para coñecer mellor o amplo e valioso patrimonio da cidade, capital dunha das sete provincias do Antigo Reino de Galicia, e un dos seus barrios máis emblemáticos: o Barrio dos Muíños, onde unha sorpresa moi artesanal, espera polos participantes neste roteiro.
Municipio: Mondoñedo.
Data: 20 de setembro do 2020.
Hora de inicio: 10:30 horas.
Duración: 2 horas e media.
Lugar de inicio: Praza da Catedral (Mondoñedo).
Dificultade: Leve.
Observacións: Uso de roupa e calzado cómodo. Gorra e crema solar (zona de montaña aberta). Auga.
Prazas dispoñibles: Xa non quedan. A ruta está completa.
E o 26 de setembro terá lugar un roteiro cunqueiriano por Mondoñedo guiado tamén por Claudia del Pino. Trátase dun paseo cultural percorrendo recunchos de Mondoñedo relacionados coa vida e obra do gran escritor Álvaro Cunqueiro Mora. Desde a Fonte Vella, fronte á que sitúa a Casa Natal do autor, e ata o Cemiterio Vello onde repousan os seus restos, visitaremos esta cidade definida pola arte e a historia, coa intención de entrar nasúamáxica atmosfera literaria.
Municipio: Mondoñedo.
Data: 26 de setembro do 2020.
Hora de inicio: 10:30 horas.
Duración: 3 horas.
Lugar de inicio: Fonte Vella, Rúa da Fonte 6 (Mondoñedo).
Dificultade: leve
Observacións: Uso de roupa e calzado cómodo. Gorra e crema solar (zona de montaña aberta). Auga.
Prazas dispoñibles: Só quedan 4 prazas libres.
A Mariña en Ruta é unha iniciativa da Mancomunidade que se realiza coa colaboración da Axencia de Turismo de Galicia e, para a súa promoción, da Deputación de Lugo.
Para máis información:
https://enruta.amarinalucense.gal/
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
