Ribadeo, 18 de setembro de 2020. O Concello de Ribadeo sacou a licitación o arranxo de varios camiños de Covelas, Ove, A Devesa, Arante, Cedofeita e Couxela. O investimento ascenderá a preto de 164.000 euros e as empresas interesadas poden presentar as súas ofertas ata o vindeiro 8 de outubro.
O alcalde, Fernando Suárez, declarou que “nestes tempos de incerteza nos que nos toca vivir, os Concellos debemos seguir exercendo as nosas responsabilidades, quizais agora con menos recursos polo que tardamos máis en facer as cousas que se espera que fagamos. Isto é bo dicilo para que ninguén se leve a engano, pero tamén é bo explicar o que se fai precisamente nestes momentos complexos”.
O rexedor dixo que “un dos aspectos importantes nos que estamos agora mesmo é na licitación para a mellora de diferentes viais municipais, tanto da vila como das parroquias. Precisamente onte sacamos a licitación o arranxo de varios camiños en varias parroquias do concello, tanto do interior como da costa”.
Suárez Barcia explicou que “estamos licitando a pavimentación con aglomerado asfáltico en Vilela, na parroquia de Covelas; un acceso principal ao núcleo de Ove; na Rochela e máis en Cinxe, que son na parroquia da Devesa; tamén nas Anzas, na parroquia de Covelas; en Queixoiro, na parroquia de Cedofeita; e máis en Igrexa, na parroquia de Couxela. Ademais deste aglomerado asfáltico, afirmaremos varios camiños con zahorra en varias pistas de Remourelle, que é da parroquia de Arante”.
O alcalde sinalou que “todos estes camiños supoñen máis de cinco quilómetros de lonxitude, por un montante de licitación total de 163.800 euros, que se van sufragar a través da Deputación de Lugo e máis de fondos do Concello de Ribadeo procedentes do Plan Único”.
Fernando Suárez engadiu: “dicirlles a todos os posibles licitadores e empresas cualificadas para facer estes traballos que o prazo para presentar ofertas será de vinte días, rematando o vindeiro 8 de outubro, e os licitadores poderán acceder a todo isto a través da Plataforma de Contratos do Estado e tamén da páxina web do Concello”.
O Concello de Ribadeo investirá preto de 164.000 euros no arranxo de camiños en varias parroquias
Relacionado
-
Portos de Galicia completa a tramitación das solicitudes de reversión de terreos en 25 concellos e agarda resposta do Estado
-
O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
-
Os residentes da Rúa da Fonte de Mondoñedo piden alternativas ao cambio de nome e propoñen outras formas de homenaxear a Xosé Vizoso
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
