Lugo, 24 de outubro de 2020. O Grupo Socialista na Deputación de Lugo esixirá o vindeiro martes, a través dunha moción no Pleno da Corporación, que a Xunta de Galicia cambie a política de loita contra a pandemia, especialmente nos seus aspectos informativos, e que favoreza unha interlocución directa con alcaldes/as e presidentes/as provinciais en relación cos datos da Covid-19.
Os socialistas demandan unha liña de diálogo e colaboración permanente coa Administración local, que teña en conta á FEGAMP, xunto cos alcaldes e alcaldesas das 7 grandes cidades e os presidentes e presidentas das catro deputacións. Dita interlocución ten que ser directa cos rexedores dos municipios máis afectados para consensuar liñas de actuación efectivas e evitar o efecto de estigma que se causa cada vez que os medios adiantan mapas vermellos ou situacións de especial risco que os propios responsables locais non coñecían en detalle, e que xeran intranquilidade nos veciños e incerteza no tecido produtivo.
Na súa proposta, os socialistas tamén reclaman que se informe a diario, de maneira telemática, aos concellos que teñan positivos por Covid-19 dos datos que lles afectan de xeito claro e transparente.
O PSdeG critica que “Feijoo multiplicou as súas aparicións televisivas arredor da campaña electoral, pero agora non ten tempo para aclarar ós galegos e ás galegas que ocorre na pandemia. Segue a desprezar as reclamacións dos concellos, dos alcaldes e alcaldesas responsables do poder local, que contemplan de novo como as canles oficiais de información vense substituídas polas noticias que aparecen nos medios de comunicación”.
Feijóo ignora a realidade de moitos concellos
Así as cousas, os socialistas aseguran que, “como xa ocorreu na primeira ola da pandemia, ou cos rebrotes da Mariña o pasado verán, os responsables do poder local, teñen que actuar ante a pandemia cunha información incompleta, e vense obrigados a poñer en funcionamento e velar polo cumprimento de medidas que ninguén lles consultou. Porque o Goberno de Feijóo segue a ignorar a realidade de moitos concellos no que respecta á dispoñibilidade de medios –protección civil, policía local ou mesmo voluntarios–, ó tempo que se nega a atender o esforzo que a pandemia está a supoñer para as facendas locais”.
Lembran ademais que, “a principios de xullo, a aparición de novos brotes na Mariña provocou unha reacción inadmisible das autoridades da Xunta. O Feijóo presidente que reclamaba competencias a Madrid durante o Estado de Alarma, deixou paso ó Feijóo candidato que tentaba lavar as mans para manter unha imaxe de campaña impoluta. A solución? Decretar o peche de varios concellos e cargar ós alcaldes/as co cumprimento das medidas, co argumento forzado de que eran “autoridades sanitarias. Xa no mes de agosto, en plenas vacacións pos-victoria electoral, os brotes da residencia do Incio revelaron que non se tiña mellorado nada na atención ós maiores”.
Os Alcaldes reclaman desde setembro información real
“Desde setembro, os alcaldes/as galegos/as veñen reclamando á Xunta información real sobre a evolución da pandemia, isto é, datos numéricos por municipio. A Xunta non pode ignorar de novo á Administración local, a que de verdade está a pé de rúa, á que a cidadanía reclama información, e á que a propia Xunta pide colaboración no cumprimento das medidas. A mellor colaboración pasa por escoitar ós alcaldes antes de deseñar as medidas e comunicarllas a eles antes de aprobalas”, advirte o PSdeG.
Escoitar ós sectores económicos
Os socialistas reclaman tamén que a Xunta “escoite ós sectores económicos, porque a epidemia, ademais dunha urxencia sanitaria, é un problema socioeconómico. Temos que traballar xuntos para deseñar medidas pensando na súa eficacia real, non no impacto dos titulares. Por poñer un exemplo, pechar a hostalaría pode derivar na celebración de festas privadas, festas privadas que moitos concellos non poden controlar por falta de medios materiais e persoal para facelo. A Xunta non pode seguir pensando que todo o que escribe nas páxinas do DOG se traslada como por arte de maxia á realidade do territorio”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
