Burela, 24 de outubro de 2020. O deputado do Grupo Parlamentario Popular, José Manuel Balseiro, vén de rexistrar unha proposición non de lei no Parlamento galego na que pide á Xunta que estude unha fórmula para autorizar a pesca recreativa nos portos galegos.
O parlamentario mariñán, acompañado do portavoz do Partido Popular de Burela, Manuel Rouco, achegouse á dársena desta localidade para presentar a un grupo de pescadores afeccionados (que capturan coas súas canas calamar, luriñas ou diversos peixes) esta iniciativa.
Práctica segura, normalizada e regulamentada
Balseiro asegura que é posible manter esta actividade de lecer, deporte e turismo, en condicións de seguridade. “Non debemos esquecer que a pesca recreativa no litoral galego desenvólvese en contornas naturais ao aire libre onde se pode realizar con todas as medidas que a pandemia por coronavirus esixe en relación co distanciamento”.
Ainiciativa do Grupo Popular sinala ademais que debe estudarse unha fórmula para facer compatible a continuidade desta práctica recreativa, coas condicións propias da actividade dos portos, procurando unha solución para que se poda pescar desde as dársenas dunha forma segura, normalizada e regulamentada e sempre que non interfira, sexa compatible, coa actividade ordinaria dos portos.
De feito, no dereito comparado hai comunidades autónomas, como é o caso das Illas Baleares, que delimitaron as zonas portuarias concretas nas que se permite a pesca recreativa para os afeccionados con licenza. Esta autorización está condicionada ao cumprimento doutros requisitos, como pode ser a prohibición do lanzamento do aparello cando poidan causar danos a terceiros, ou que os pescadores non poderán deixar restos da súa actividade sobre o peirao, nin realizar accións molestas para os ocupantes das embarcacións próximas, por citar as máis importantes.
“Estamos a falar polo tanto, de estudar a posibilidade de habilitar espazos nos que os pescadores deportivos provistos da súa licenza e, cos límites e condicións que a pesca recreativa en canto ao número de capturas, especies e tamaños, poidan seguir con esta práctica” –explicou Balseiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
