Santiago, 4 de Novembro , 2020. A deputada do BNG, Carmela González Iglesias defendeu hoxe en comisión unha proposición non de lei, aprobada por unanimidade, instando ao goberno a impulsar “axudas directas para autónomos e autónomas” compatibles coas axudas do Estado.
Para a deputada nacionalista, este acordo unánime cobra especial relevancia sobre un colectivo gravemente afectado polas consecuencias da COVID-19. Dende o BNG, dixo, queremos que a axudas sexan directas, “non de créditos nin axudas para dixitalización, vinilos etc, porque en realidade, esas axudas non reforzan a continuidade da actividade xa que previamente os autónomos e autónomas deben mercar o material para poder posteriormente cobrar”. Carmela González recalcou que a iniciativa do BNG refírese a “axudas directas” e criticou que as primeiras axudas directas foron convocadas pola consellería do Mar no mes de xuño para mariscadoras, lonxas e redeiras cun “cheque autónomo” que resultou un verdadeiro “fracaso” xa que a maioría dos autónomos non puideron acceder a este cheque. Agardamos que as axudas directas aprobadas hoxe cheguen con garantías a todos os autónomos e autónomas.
Improvisación e falta de anticipación da Xunta
As axudas convocadas pola Xunta foron improvisadas e como resposta ás demandas dos diferentes colectivos e seguimos sen contar cun Plan de reactivación a pesar dos anuncios do goberno galego. González Iglesias lembrou que na comisión de reactivación, celebrada hoxe no Parlamento galego, o goberno non contempla incluír “axudas directas” para os autónomos e autónomas.
A deputada nacionalista pediu ao goberno que deixe a un lado todos os anuncios e faga realidade as axudas directas para o colectivo co fin de garantir a súa supervivencia. Carmela González agradeceu o apoio dos grupos parlamentarios á iniciativa do BNG que beneficiará a un colectivo formado por máis de 207 mil persoas en Galiza, o 22% do emprego no Estado, e cunha grande repercusión económica no noso país. “O colectivo, sen ingresos durante meses, tivo que facer fronte aos gastos de alugueiro, luz, auga, préstamos, facturas e gastos familiares”, recalcou a parlamentaria do BNG.
86 mil mulleres en Galiza son autónomas
Carmela González lembrou que existe unha grande porcentaxe de mulleres autónomas, en Galiza 86.000 cotizan neste réxime e máis de 1.400 menos que en setembro do ano pasado debido á necesidade de coidar aos nenos e nenas e persoas maiores. Para a nacionalista a realidade confirma que se es muller e autónoma “sempre levas as de perder”.
Finalmente, a deputada do BNG asegurou que os sectores hostaleiro, do comercio e da cultura viven unha situación de emerxencia, “todos están na corda floxa e precisan axudas” de aí a importancia deste acordo parlamentario para que estas “axudas sexan directas”, concluíu.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
