CERVO .- Segundo indica a responsable de Facenda de Cervo, “o endebedamento municipal responde a operacións de crédito dirixidas a axilizar o pago aos provedores e pequenas e medianas empresas”
Considera disparatado recibir leccións dunha formación política que alí onde goberna está no punto de mira pola súa incontrolada débeda e avultado déficit
CHELO GALLEGO: “O CONCELLO DE CERVO DE ESTAR HOXE XESTIONADO POLOS SOCIALISTAS ESTARÍA EN BANCARROTA”
* O endebedamento municipal responde a operacións de crédito dirixidas a axilizar o pago aos provedores e pequenas e medianas empresas, obxectivos cos que presume non estarán en contra os socialistas
* A edil de Facenda, quen lembra que puxo en marcha un plan de redución do gasto e austeridade para que non se vexan prexudicados os servizos públicos, afirma que nunca farán como os socialistas que promoven recortes sociais e fan pagar a crise ás economías máis modestas
Cervo, 18 de maio de 2010.- A edil de Facenda do Concello de Cervo, Chelo Gallego, afirmou que resulta como mínimo sorprendente e unha mostra de evidente cinismo político que sexa o PSOE quen critique a situación da economía municipal. “Debemos ter en conta, que estamos a falar dos socialistas, a mesma forza política que ten nas súas mans o Goberno de España, cuxa xestión está no punto de mira do resto dos países europeos e dos organismos mundiais polo seu incontrolable déficit e avultado endebedamento”. Segundo a concelleira popular “é disparatado que pretendan darnos leccións os que peor o fixeron hoxe, e no pasado”
Chelo Gallego si quixo garantir que o Goberno municipal non fará como propugna o PSOE nin recortes sociais ni en servizos. Ao seu entender “os socialistas pretenden que paguen a crise as economías máis modestas e as pequenas empresas e nos non compartimos esta estratexia”. A diferenza deles o obxectivo do Goberno municipal e controlar o gasto como medida para sanear a economía municipal.
AFORRO MUNICIPAL
De feito a edil de Facenda lembra que o Concello de Cervo puxo en marcha un plan de austeridade cuxo obxectivo é reducir os gastos correntes tales como o subministro eléctrico (estanse a cambiar centos de alumeados públicos para introducir medidas de aforro) e outros como en material de oficina. Tamén reduciron de xeito salientable, como xa se ten explicado, o custe das dedicacións do Equipo de Goberno, “algo que por certo Lara Méndez pide aos demais pero polo de agora non fixo co seu salario millonario que tamén pagamos todos.”
AXILIZAR O PAGO AOS PROVEDORES
Chelo Gallego indicou que ou ben por descoñecemento ou ben porque pretenden enganar aos veciños o PSOE oculta deliberadamente que as operacións de endebedamento asumidas no último ano teñen por obxecto axilizar o pago a provedores, fundamentalmente pequenas e medianas empresas do propio municipio, “obxectivo co que ademais presumimos que o PSOE non estará en contra”. A idea fundamental é traballar para que os servizos públicos non se resintan, a pesar da actual conxuntura económica e do período de dificultade para as facendas locais, que ademáis en xuño, por imposición do PSOE teñen que asumir a suba do IVE”
CO PSOE O CONCELLO EN BANCA ROTA
Finalmente a edil de Facenda quixo lembrar o desastroso da xestión económica do PSOE cando tivo responsabilidade de Goberno en Cervo para concluír que, tendo en conta estes antecedentes, non sería para nada complicado supoñer que si os socialistas xestionaran hoxe o Concello de Cervo este estaría en banca rota. A diferenza disto, o Equipo de Goberno do Partido Popular logrou cumprir por primeira vez en moitos anos co límite de endebedamento imposto a todos os concellos de España, situación ademais que,permite valorar con optimismo a evolución e positivamente a xestión municipal.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
