Viveiro, 13 de novembro de 2020. O grupo de goberno do Concello de Viveiro, tras as declaracións do PP con respecto á subvención de 25.000 € concedida pola Deputación de Lugo para a Semana Santa de Viveiro, quere aclarar aclarar publicamente a realidade, facendo constar que, unha vez máis, o PP está manipulando e terxiversando a información co único obxectivo confundir aos veciños e veciñas de Viveiro.
“O Concello de Viveiro renunciou á subvención que a Deputación de Lugo lle tiña concedida para a Semana Santa, por importe de 25.000 euros, porque se trataba, precisamente, dunha axuda de carácter finalista, concedida para un fin concreto que, neste caso, era a instalación da carpa da Semana Santa, onde se alberga a exposicion de pasos Antesala de un Museo”, explica Jesús Fernández, tenente de alcalde e conselleiro de Facenda de Viveiro.
Posto que non se puido celebrar a Semana Santa pola pandemia do COVID 19 e que, consecuentemente, non se puido instalar a carpa, o concello renunciou a esa axuda, que xa non podía darse porque tiña ese carácter finalista.
“De feito, facendo referencia a que o Grupo Provincial do Partido Popular solicitara en días pasados ao Goberno da Deputación que informase aos concellos da posibilidade de cambiar os fins de subvencións nominativas para eventos que non se puideran executar debido á crise sanitaria, este concello xa tiña os deberes feitos e realizara as xestións pertinentes ante o ente provincial, renunciando a dita subvención finalista para a tramitación dun convenio por unha cantidade moi superior á que correspondía pola subvención para a carpa da Semana Santa”, engade Fernández.
Ese convenio, por importe de 150.000 euros, foi asinado o pasado 27 de outubro para a promoción do turismo e diversas melloras en infraestruturas, así como para o mantemento da piscina municipal, entre outras actuacións.
En palabras do tenente de alcalde de Viveiro, “parece que sigue existindo mala fe por parte do Partido Popular, volvendo a tempos anteriores de crispación, enzarzamento e acritude. Parece que, como de costume, están tratando de desprestixiar ao goberno municipal de Viveiro para tapar precisamente os seus incumprimentos, pois preguntámonos: que foi daquel anuncio do Sr. Feijoo e do voceiro do PP, o Sr. Rodríguez Blanco, en plena campaña das eleccións de 2019, dos 3,5 millóns de euros anunciados para un Museo da Semana Santa de Viveiro?”.
“Como se dixo, o goberno municipal de Viveiro non perdeu unha subvención da Deputación de Lugo por importe de 25.000 euros; todo o contrario, conseguiu unha axuda de 150.000 euros. Con respecto ás declaracións do PP só caben dúas posibilidades: ou non se enteran ou, o que é máis grave, teñen malicia para confundir aos veciños e veciñas de Viveiro”, remata Jesús Fernández.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
