Viveiro, 17 de novembro, 2020. O 16 de outubro é a data de rexistro desta moción por parte do PSOE de Viveiro e tamén o día no que se publica en prensa.
Non é até o 29 de outubro cando o concelleiro polo PSOE responsábel da área de educación, Emilio Villarmea, visita o centro para comentarlles a súa moción sen nen sequera facerlles entrega ao equipo directivo do texto da mesma.
Por parte do Concello de Viveiro non se entrega o texto da moción ao colexio afectado até o día antes do pleno, é dicir, o día 2 de novembro e a última hora da mañá, con apenas 24h de anterioridade respecto ao pleno.
Na visita que fixo o señor concelleiro, o equipo directivo do colexio trasládalle claramente que a opción de cubrir a pista ou construír un pavillón sobre a actual pista, que é xustamente o que se recolle nos acordos da moción, non é para eles unha opción e nin a contemplan, tanto é así, que cando esta mesma proposta foi feita hai xa dous anos por parte da oficina técnica do Concello de Viveiro ao equipo directivo do colexio, a resposta tamén foi a mesma: NON.
A conclusión á que se chega é que o goberno do PSOE non ten en conta ao profesorado do centro para unha decisión tan importante, de feito incluso decide continuar con este acordo pese a que o centro se manifestara claramente en contra. Preguntámonos cal é o motivo de insistir tanto nesta solución? Ao mellor é porque nada fixeron en todos os anos que levan no goberno e esta solución preséntase fácil para poñerse unha medalla.
Non se contou co centro e tanto é así, que a contrarreloxo pola falta de comunicación por parte do goberno do PSOE, nunha época tan complexa para os centros e con mil responsabilidades que desenvolver, o profesorado do centro celebrou o mesmo día que recibiu a moción un claustro extraordinario para tratar este tema, dando entrada no rexistro na mañá do día seguinte, un escrito no que manifestan a súa oposición a cubrir a pista ou a construír calquera elemento no centro do patio, aportando ademais outras posibles ubicacións para o pavillón.
Dende o BNG de Viveiro apoiamos o Claustro do CEIP Plurilingüe de Covas polo que non poderiamos votar a favor desta moción coa redacción do punto segundo, polo que suxeriamos ao Goberno do PSOE con María Loureiro á cabeza, que se de verdade queren axudar ao centro deberan modificar os acordos, polo que propuxemos a seguinte emenda de substitución:
EMENDA SUBSTITUTIVA para o punto segundo da parte resolutiva: Instar á Xunta de Galiza a INCLUÍR NOS ORZAMENTOS DE 2021 unha partida orzamentaria destinada a dotar de zona ou zonas cubertas ao CEIP Plurinlingüe de Covas.
Míriam Bermúdez afirma: “o que está totalmente claro, é que sen unha partida orzamentaria para desenvolver a mellor solución en consenso coa comunidade educativa, non é posible que se materialice, polo que lle pedimos ao PSOE de Viveiro substitución do texto da súa moción polo noso.”
Finalmente a emenda substitutiva do BNG foi aprobada e instarase á Xunta de Galiza a que dote o colexio de Covas de zonas cubertas en consenso coa comunidade educativa deste centro.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
