Lourenzá, 20 de novembro de 2020. A Praza do Conde Santo, en Vilanova de Lourenzá, acollerá un acto da campaña En Negro Contra as Violencias o vindeiro mércores, 25N, ás doce do mediodía. As actividades foron presentadas hoxe, venres, pola alcaldesa, Rocío López, e a concelleira de Servizos Sociais, Mercedes Dengra.
A rexedora municipal anunciou que “un ano máis o Concello de Lourenzá súmase a campaña En Negro Contra as Violencias. O mércores 25 de novembro terá lugar na Praza do Conde Santo a lectura dun manifesto e repartirase material entre os asistentes. Así mesmo ó longo de toda a semana a pancarta En Negro pendurará no balcón da casa consistorial e os Cocos de Lourenzá volverán vestir un ano máis de negro, para dar visibilidade a esta loita contra a violencia machista”.
Rocío López explicou que “neste ano as circunstancias marcadas polo Covid fai complicada a programación de actividades presenciais polo que dende o Concello invitamos a todos os axentes sociais (comercio, hostalería…) e a toda a veciñanza en xeral a participar nesta campaña a través das redes sociais, tinguindo o noso concello de Negro. Poden descargar todo o material na web ennegrocontraasviolencias.gal ou ben chamando ao teléfono dos Servizos Sociais: 982.121.036. Os hashtag serán #EnNegroContraAsViolencias, #EnNegro2020, #GaliciaEnNegro, #QuerémonosVivas e #NonEstásSoa. A maiores de todo isto na páxina do Concello presentarase a foto e o vídeo do acto do 2019 contra a violencia de xénero da escola de patinaxe ED Lourenzá. Tamén a través do Pacto de Estado contra a Violencia de Xénero do Ministerio de Igualdade vanse repartir máscaras para sensibilizar a poboación contra a violencia cara ás mulleres”.
A concelleira Mercedes Dengra destaca “a importancia de visibilizar este problema que segue tan presente na nosa sociedade, e se cabe máis aínda agora, debido a que as medidas adoptadas na loita contra a pandemia do Covid 19 fixeron empeorar as circunstancias das mulleres vítimas de violencia de xénero”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
