Ribadeo, 30 de novembro de 2020. O alcalde, Fernando Suárez, anuncia que o ascensor do colexio Gregorio Sanz xa foi dado de alta e está a funcionar. O rexedor asegura que o Concello actuou coa celeridade administrativa máxima e con absoluta dilixencia, a pesar de que a Xunta iniciou as obras sen contar coa correspondente licenza e de que cambiou varias veces o investimento a realizar. Suárez Barcia recoméndalle á Consellería de Educación que revise todo o expediente, á vez que se congratula do investimento anunciado pola administración galega nese centro de ensino, xa que será a primeira vez en corenta e cinco anos que se acometan obras de envergadura e lémbralles que presenten o proxecto e que pidan licenza, como é preceptivo en todos os Concellos.
O alcalde ribadense manifestou que “despois dunha desagradable situación de falta sobre todo de coordinación entre administracións, así como dunha inxerencia e manipulación política que abochornaría a calquera, hoxe podemos dicir que o ascensor que se instalou hai un tempo no CEIP Gregorio Sanz está xa de alta. Agora que por fin está funcionando, gustaríame facer unha serie de aclaracións que non fixen en todo este proceso. En todo este tempo, o Concello mantivo unha disposición absoluta de colaboración leal así como de impulso e de celeridade administrativa máxima, unha vez que tivemos coñecemento formal das obras feitas. O certo é que desde que fixemos a advertencia de que esas obras foran feitas sen a licenza municipal preceptiva, hai un tempo, foron varias as circunstancias inéditas que se deron. Por parte da Xunta aportáronse documentacións contraditorias, diferentes presupostos con cifras escandalosamente diferentes e tiveron que motivar e documentar as obras feitas a posteriori, etc…”.
O rexedor dixo: “hai que lembrar que todos os Concellos, non só o de Ribadeo, só temos a obriga de mantemento e conservación nestes centros de Primaria polo que non facemos actuacións de infraestruturas, pero loxicamente os Concellos si temos a competencia para outorgar as licencias de obra de calquera infraestrutura que se faga no noso termo municipal, xa sexa dun particular ou dunha administración pública como é o caso. Neste caso actuamos de maneira absolutamente dilixente e con celeridade, coa única misión de garantir a seguridade e a legalidade desta obra. Finalmente, tal e como se nos requiriu desde a Xunta e, logo de pedir orzamentos a varias empresas cualificadas para tal fin, démolo de alta e farémonos cargo do seu mantemento mensual. Ademais disto, quero recordar tamén que desde o Concello tivemos que actuar coa Xunta como con calquera outro particular que fai obras sen licenza, de aí que tivésemos que incoar un expediente sancionador que rematou coa proposta de sanción que se eleva a máis de 600 euros”.
Fernando Suárez engadiu que “tamén quixera facer dúas apreciacións que lle quero indicar á Consellería de Educación para agora e para o futuro. Para agora é que as autoridades competentes en Educación de Lugo, ou incluso quizais os seus responsables superiores, deberían revisar todo este expediente con maior detemento, pois chaman moito a atención as diferentes cifras que se nos foron comunicando sobre o custo real do ascensor, non vaia ser o demo que as cifras citadas non se correspondan co que realmente se ten indicado por escrito. Por outra banda, para o futuro máis inmediato, vemos con satisfacción que se acaba de anunciar que para o 2021 a Xunta vai facer unha inversión de medio millón de euros, por parte de Educación, neste centro. A verdade é que nos alegramos porque por fin, despois de corenta e cinco anos de funcionamento deste centro, vai ser a primeira vez que a Xunta acometa obras de envergadura, desde logo que era sen tempo xa. Pero o que si agardemos que desta volta fagan o que calquera cidadá particular fai, que é presentar o proxecto e pedir licenza antes de iniciar as obras co fin de evitar problemas a terceiros polo mal funcionamento das administracións, como foi neste caso do ascensor”.
O alcalde, Fernando Suárez, anuncia que o ascensor do colexio Gregorio Sanz xa foi dado de alta e está a funcionar
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
