Lugo, a 1 de decembro de 2020. O voceiro do Grupo Provincial do Partido Popular, Javier Castiñeira, considera que José Tomé “se ve temeroso ante a oposición” e critica que “use a condición de presidente para manexar o debate de forma subxectiva e partidista”.
Así o expón Castiñeira logo de comprobar como nos dous plenos extraordinarios, celebrados no día de onte, o socialista amosou un carácter ditatorial e impositivo. Concretamente, o popular refírese ao momento no que se debateu a proposta de presidencia sobre a disolución de Suplusa, e na que o tamén alcalde monfortino obrigou ao grupo da oposición, neste caso ao PP, a iniciar o debate. Textualmente, Tomé indicoulle ao voceiro popular o seguinte: vostede empeza e se non, non fala.
Trátase dunha actitude que, en palabras de Castiñeira, se vai incrementando a medida que avanza a lexislatura, ata o punto de que o socialista se comporta “como un neno que ten a pelota para dirixir o partido”. “O Sr. Tomé, que tanto lle gusta falar en termos futbolísticos, como árbitro é verdadeiramente malo. Non entende que os dous rivais deben de actuar nas mesmas condicións”. Proba delo, apunta, é que ante esta situación, non foi capaz de explicar os motivos polo que é ordenaba á oposición iniciar o debate.
Tomé, “desbordado pola oposición”
Esta circunstancia, que se está a converter nunha dinámica común en cada sesión, evidencia que o presidente da Deputación “se ve desbordado pola oposición; que puxo uns cronómetros para evitar que o debate fose fluído e libre; que teme as sesións plenarias e que intenta manexar o debate moi friamente, sumido nun reloxo pero só para os demais, porque el fala a escape libre”, insiste.
Por este motivo, o Grupo Provincial do PP pídelle ao monfortino que “se tranquilice e que, sobre todo, xogue limpo; que trate de buscar o debate e non prexudicar aos mesmos, que somos os que estamos na oposición”, conclúe.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
