Burela, 11 de decembro, 2020. O Pescados Rubén Burela FS tivo que loitar esta tarde contra a eficacia do Besoccer CD UMA Antequera (4-7) sobre a rede, que soubo aproveitar o seu bo arranque, con 0-3 xa no minuto 9, e despois aguantar as arremetidas e avalanchas locais ata o descanso. Os de Juan Marrube loitaron ata a extenuación aínda que reaccionaron tarde; puideron abrir o electrónico no minuto 27, con todo, con cada poutada atoparon a mesma resposta dos visitantes.
Viviu Antequera un inicio rodado. Sen case crelo, aos 47 segundos, aproveitou o seu primeiro perigo, en estratexia, desde saque de banda, culminada por Álex Fuentes. Presionaron para frear a incursión mariñá e volveron dar no cravo para poñer distancias os andaluces, entre o minuto 8 e 9, con Javi Amorós na caza dun pase longo a Pitero e de novo en transición, finalizada por Miguel Conde. Dispuxo da máis perigosa o Pescdos Rubén Burela rozando o ecuador da primeira parte, cunha picada de Quintela que neutralizou Miguel. O asedio, o perigo e as ocasións mariñás intensificáronse co salto ao parqué de Matamoros. Os de Juanma Marrube dispuxeron dun goteo incesante de chegadas envelenadas merecendo moito máis sobre a rede. No 14, o ex dos burelistas, Vargas, evitou a estrea no luminoso, cunha conexión de Iago Míguez a Javi Rodríguez; poucos segundos despois ao da Gomera fóiselle moi alta e a grande asistencia de Mata escapóuselle a Iago. A maxia do 10 galego non atopou resposta ao segundo pau no 16. E dous minutos máis tarde, a fortuna tampouco se aliou con Quintela na liña de meta.
A Bomboneira non puido evitar que se repetise o guión no regreso, cun premio excesivo para os intereses visitantes, aos 54 segundos, nun desaxuste defensivo burelista. Javi Rodríguez protagonizou a primeira grande ocasión nunha saída desde pista laranxa cunha gran secuencia de caneos, no 23. Tentouno nun mísil Pazos máis tarde, pero foi precisamente Antequera o que aproveitou nese momento á contra, con Vargas. Non deixou de tentalo Pescados Rubén e por fin chegou a recompensa, máis que merecida, no 27, con Mata empuxando sobre a liña de meta a chegada pola banda de Iago Míguez. Responderon os de Málaga co 1-6 á contra; con todo, a garra e a coraxe dos pupilos de Juanma Marrube reforzáronse e Álex Diz volveu recortar, en menos dun minuto. Javi Rodríguez enfundouse na camiseta de porteiro xogador para subir o terceiro, con Matamoros; restaban aínda case 11 minutos de xogo. Álex Diz substituíu máis tarde no liderado do xogo a Javi Rodríguez. Volveu perdoar o Pescados Rubén, con Mata e Renato por arriba, e máis tarde Quintela, para unha nova aparición do acerto rival, con Joaki. Javi Rodríguez, tocando en Miguel, deu a última poutada, co 4-7 final, no 38.
Martes 15, Copa do Rei
O conxunto mariñán regresará á pista xa o martes, con oitavos de Copa do Rei, na pista do titánico Barcelona (13.30 horas, Barça TV).
Ficha técnica
Pescados Rubén Burela FS: M. Kaluza, Lucho, David Pazos, Álex Diz, Quintela, cinco inicial; tamén xogaron Javi Rodríguez, Renato, Pitero, Iago Míguez, Matamoros
Besoccer CD UMA Antequera: Conejo, Fernando Torres, Miguel Conde, Álex Fuentes, Cobarro, cinco inicial; tamén xogaron Javi Amorós, Ramón Vargas, Alvarito, Raúl Canto, Óscar, Joaki
Goles: 0-1, minuto 1, Álex Fuentes; 0-2, minuto 8, Javi Amorós; 0-3, minuto 9, Miguel Conde; 0-4, minuto 21, Joaki; 0-5, minuto 24, Ramón Vargas; 1-5, minuto 27, Matamoros; 1-6, minuto 27, Óscar; 2-6, minuto 28, Álex Diz; 3-6, minuto 29, Matamoros; 3-7, minuto 37, Joaki; 4-7, minuto 38, Javi Rodríguez
Árbitros: Felipe Madorrán // Urdánoz Apezteguía. Por Burela amarela para Lucho (minuto 11), David Pazos (minuto 29). Por Antequera amarillla para Javi Amorós (minuto 18).
Incidencias: Partido correspondente á xornada 14 de Primeira División Masculina disputado en Vista Alegre, con aforo máximo de 300 espectadores.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
