Burela, 23 de decembro, 2020. A Organización de Produtores Pesqueiros de Lugo elixiu o denominado “Día da Saúde”, tra-la celebración do Sorteo da Lotería de Nadal, para presentar o seu novo calendario 2021, no que se volve promocionar o consumo de peixe como unha das principais bases dunha vida saudable, acompañando cada mes coa imaxe dunha das principais especies da lonxa de Burela e outros tantos mensaxes firmados por recoñecidos profesionais da saúde.
Este ano ademais a Organización de Produtores Pesqueiros de Lugo presenta a súa denominada fórmula da felicidade: “P=S∞” equivale a que “Comer Peixe é igual a Saúde por Sabor, elevado a infinito”.
Numerosos estudos relacionan determinados alimentos co noso estado de ánimo. Por exemplo dise que o consumo de peixe pode diminuír ata un 17% o risco de padecer depresión. Este efecto beneficioso do peixe podería deberse á súa riqueza en ácidos graxos Omega 3, que modificarían a actividade da dopamina e serotonina, neurotransmisores vinculados á depresión.
O calendario do próximo ano conta coa colaboración de Armadores de Burela e especialmente dos doutores Guillermo Aldama López (Unidade de Cardioloxía do Complexo Hospitalario Universitario A Coruña, membro da Sociedade Española de Cardioloxía e da Fundación Española do Corazón); Miguel Ángel Martínez Olmos (Servizo de Endocrinoloxía e Nutrición do Hospital Clínico Universitario de Santiago) e Secundino Cigarrán Guldris (FEA Nefroloxía Hospital Público da Mariña), ademais de Rosaura Leis (Profesora Titular de Pediatría Universidade de Santiago; Coordinadora da Unidade de Gastroenteroloxía, Hepatoloxía e Nutrición Pediátrica do Hospital Clínico Universitario de Santiago; membro do Comité de Nutrición da Asociación Española de Pediatría (AEP) e Presidenta da Fundación Dieta Atlántica-USC).
Nesta nova edición do calendario aparecen reflexadas de novo as diferentes pesquerías que forman parte das frotas de OPP Lugo, como o palangre de fondo en augas europeas, que pesca con anzol unha a unha a pescada do pincho, a cabra de altura, a castañeta encarnada, a bertorella e o ollomol; o palangre de superficie no Atlántico, que pesca tamén individualmente o peixe espada e a tintorera; a frota boniteira do Cantábrico, que pesca os bonitos do norte ao Curricán, un a un con anzol; ou as frotas de cerco ou arrastre de litoral do Cantábrico, que traen cada día á lonxa de ABSA especies como a xarda, o chicharro, o galo e o peixe sapo.
Editáronse 3500 exemplares do almanaque, que se distribuirá desde a próxima semana entre os socios de OPP Lugo e ABSA, a través da Asociación de Exportadores Maioristas de Peixe da Mariña (ADEXMAR) e da Asociación Provincial de Empresarios de Hostalería de Lugo. A metade destes exemplares distribuiranse en Madrid e Barcelona entre os socios de FEDEPESCA (Federación Nacional de Asociacións Provinciais de Empresarios Detallistas de Peixes e Produtos Conxelados).
Esta acción enmárcase dentro das accións de promoción da OPP Lugo incluídas no seu plan de produción e comercialización anual e contan coa cofinanciación da Xunta de Galicia e o Fondo Europeo e Marítimo da Pesca.
OPP Lugo presenta a fórmula da felicidade no seu calendario 2021
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
