Ribadeo, 7 de xaneiro de 2020. Siñeiro Hogar, na categoría de empresas, e Diana Nana Quintana Villamil, na de domicilios particulares, gañaron o concurso Ilumina o Nadal convocado por Acisa co obxectivo de encher de luz e cor Ribadeo durante as pasadas festas navideñas.
Diana Nana Quintana recibiu 271 votos no facebook e Siñeiro Hogar 112. Cada unha das premiadas recibirá 200 euros en vales de compra para gastar nos establecementos asociados a Acisa Ribadeo. Ata o 22 de xaneiro poden pasarse pola oficina da Asociación de Comerciantes, Industriais, Servizos e Autónomos para recoller os seus agasallos.
En total foron 18 os participantes no Ilumina o Nadal, 8 na categoría de domicilios particulares e 10 no de empresas, e mais de 1.000 os votos emitidos nesta convocatoria que recibiu miles de visitas.
Desde Acisa o seu presidente, Francisco Iriarte, fixo unha valoración positiva da acollida que tivo este concurso: “estamos moi satisfeitos da acollida que tivo o Ilumina o Nadal. Foi moi bonito ver como estiveron adornados os escaparates dos negocios de Ribadeo e tamén as ventás e os balcóns de moitas familias en Ribadeo así coma as ventás e os xardíns en moitas parroquias deste concello. A todos queremos darlles as grazas, participasen ou non no noso concurso, por poñer esa nota de luz e de color neste Nadal diferente que nos tocou vivir”.
Apoio ao comercio local
Iriarte Quintana tamén tivo palabras de agradecemento para as veciñas e os veciños de Ribadeo: “polo seu decidido apoio aos negocios locais este Nadal. Estamos moi contentos de que os Reis Magos e Papá Noel confiasen no comercio local para facer os agasallos destes días. Daba gusto ver as rúas e as tendas con moi bo ambiente, a pesares dos días de chuvia que sufrimos estas últimas semanas”.
O xerente de Acisa Ribadeo, Jesús Pérez, engadiu: “o que agardamos é seguir contando con este apoio fiel ao longo dos vindeiros meses tanto para o comercio como para a nosa hostalería, adaptándose neste caso ás normas sanitarias e aos aforos permitidos en cada momento, adiantando ás horas das ceas e levando tamén as propostas gastronómicas para as nosas casas. Si todos nos apoiamos a travesía polos vindeiros meses do inverno será máis doada”.
Rebaixas
Pérez Prada referiuse ás rebaixas de inverno que arrincan hoxe: “este xoves dan comezo as rebaixas de inverno e tamén neste caso animamos ás veciñas e aos veciños de Ribadeo a que aposten polos negocios locais para facerse cos artigos de tempada a moi bos prezos. Este é un bo momento para visitar as nosas tendas, pero coma sempre con sentidiño e responsabilidade, evitando aglomeracións, coa máscara posta e hixienizando as nosas mans. Todos somos conscientes das medidas en vigor, pero nunca está de mais insistir para non baixar a garda”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
