Ribadeo, 2 de febreiro de 2021. Desde hoxe atópase colgado na web do Concello o proxecto da nova ordenanza de protección medio ambiental para que a xente poida velo a aportar as súas suxestións. Van dispor dun prazo de dez días. Coa nova normativa, que substituirá á de 2006, o que se pretende é mellorar a calidade de vida en Ribadeo e alcanzar un alto nivel de protección do medio ambiente.
O concelleiro Jorge Díaz lembrou que “a última ordenanza de medio ambiente é do 2006 e houbo que actualizala practicamente toda, xa que levaba quince anos sen mudar. Entón estamos obrigados, tanto por normativas como pola mesma sociedade que cambiou, e por iso redactamos unha ordenanza nova”.
O edil de Medio Ambiente subliñou que “o obxecto desta ordenanza é mellorar a calidade da vida no concello de Ribadeo e alcanzar a mellor calidade ambiental regulando no ámbito de competencias do Concello, tanto as actividades como nos comportamentos ou nas situacións que se dean”.
O responsable de Medio Ambiente no Concello de Ribadeo sinalou que “se abre un período de dez días para os veciños ou veciñas e asociacións ou grupos que queiran aportar algo o fagan. Despois irá a pleno e haberá outro período de alegacións, como fixemos anteriormente coa de praias, que precisamente acabou hoxe ese prazo de dez días hábiles”.
Jorge Díaz dixo que “é unha ordenanza bastante completa e extensa porque afecta a moitos ámbitos da sociedade do entorno do concello de Ribadeo. Quero dicirlles aos veciños e veciñas que se queren botarlle un ollo poden facelo na paxina web do Concello e se queren aportar algo que o fagan. Esta nova normativa está a disposición de todos e todas os que queiran botarlle unha visualización”.
Nas 39 páxinas do proxecto aparecen recollidos aspectos como a limpeza viaria, o mantemento de solares e fincas, a tenza de animais na vía pública, a colocación de carteis e pancartas, as pintadas, a distribución de panfletos ou a limpeza e conservación do mobiliario urbano e zonas verdes.
Na web do Concello de Ribadeo xa se atopa colgado o proxecto da nova ordenanza de protección medio ambiental para que a veciñanza poida velo e presentar as súas suxestións
Relacionado
-
O luns iniciarase a negociación dunha nova RPT do Concello de Ortigueira que suporá un incremento salarial de máis de 500.000 euros anuais
-
San Marcos acolle unha xornada sobre as aplicacións da intelixencia artificial no coidado dos maiores
-
O Concello de Ortigueira reforza o seu departamento de urbanismo coa incorporación dun novo arquitecto
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
