Lugo, 10 de febreiro de 2021. A Consellería do Mar achegou no último ano máis de 506.000 euros para impulsar 18 proxectos promovidos polo sector pesqueiro da Mariña e xestionados a través do Grupo de Acción Local do Sector Pesqueiro (GALP) A Mariña-Ortegal.
O delegado territorial da Xunta en Lugo, Javier Arias, e a directora xeral de Desenvolvemento Pesqueiro, Susana Rodríguez Carballo, mantiveron hoxe unha reunión por videoconferencia co presidente do GALP, Javier Martínez Otero, e outros representantes tanto da consellería como da entidade.
No 2020, o GALP aprobou na Mariña 12 proxectos produtivos doutras tantas empresas. Trátase de traballadores autónomos e pemes, dedicados ao marisqueo, pesca ou comercialización de peixe e mariscos. Suman achegas por importe de 355.000 euros, destinadas á adquisición de equipamento para a mellora da comercialización, equipamento informático e modernización de equipos -pesaxe, trazabilidade e etiquetaxe-. Tamén figura unha nova empresa -que prestará servizos de eficiencia enerxética- no parque empresarial de Barreiros. O investimento total subvencionable ronda os 650.000 euros e a porcentaxe da axuda oscila entre o 50% e o 80%, segundo os casos.
Así mesmo, apoiou seis proxectos non produtivos, que suman 151.700 euros en achegas para un orzamento subvencionable de 179.200 euros, con axudas de entre o 80% e o 100%. Así, a Confraría de Pescadores de Foz introduciu melloras na nave de redes; a de Celeiro adquiriu un vehículo todoterreo para labores de vixilancia de recursos, e a de Ribadeo diverso equipamento. Tamén se financiaron as xornadas de Expomar en Burela e o programa escolar Mariñeiros por un día en Celeiro; e por último, a creación en Cervo da Aula do mar A Mariña, que promove a Asociación de Axuda ó Enfermo Mental A Mariña.
No que respecta á distribución por concellos, Ribadeo, Viveiro e Burela contan en cada caso con cinco proxectos subvencionados, e Cervo, Barreiros e Foz con un.
Datos xerais
O GALP A Mariña-Ortegal está integrado polos concellos de Valdoviño, Cedeira, Cariño, Ortigueira, Mañón, O Vicedo, Viveiro, Xove, Cervo, Burela, Foz, Barreiros e Ribadeo. Durante o pasado ano contribuíu á posta en marcha de 29 proxectos -18 na Mariña e o resto nos municipios veciños- con máis de 1,1 millóns de euros.
Desde a primeira convocatoria de axudas a proxectos dos GALP, en 2016, desenvolvéronse 103 proxectos con máis de 4,9 millóns de euros en achegas. Deste total, arredor do 82% destinouse ao desenvolvemento de proxectos produtivos e o 18% restante a proxectos non produtivos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
