Viveiro, 2 de marzo de 2021. O Concello de Viveiro xa comezou a repartir os premios do I Desfile Dixital de Entroido, que consisten en bonos para gastar no comercio e na hostalaría locais. As persoas gañadoras poderán trocar os seus vales nos establecementos do municipio ata o vindeiro 30 de maio de 2021.
O goberno local detalla a normativa para trocar os bonos, os cales non se poderán nunca trocar por diñeiro en efectivo. Ademais, as persoas gañadoras do concurso deberán usar os vales nos establecementos de comercio e na hostalaría do Concello de Viveiro (non é necesario que formen parte dalgunha das asociacións do sector).
Doutra banda, no caso de que o prezo da compra sexa inferior ao do bono, non se devolverá a diferenza. É dicir, recoméndase trocar os bonos por importes superiores ao seu valor e redondear cos propios cartos a diferenza de prezo. Por exemplo, nun artigo que custe 5,45 euros pódese aboar cun bono de 5 euros, poñendo o cliente os 45 céntimos restantes.
O concello fai un balance moi positivo do desfile. “Estamos moi satisfeitos porque calou na veciñanza. Queremos agradecerlle a todas as persoas que participaron activamente, mandando os seus vídeos, e ás que fixeron posibles ás votacións”, afirma Lara Fernández Fernández-Noriega, concelleira de Cultura.
En palabras da alcaldesa de Viveiro, María Loureiro, “o obxectivo cumpriuse por partida doble, xa que foi un éxito de participación e cos vales que entregaremos incentivaremos as compras no comercio local, un sector moi perxudicado pola pandemia”.
Por outra parte, dende o Concello de Viveiro recordan aos comerciantes o cumprimento destas dúas normas no desenvolvemento da campaña: nin trocar os vales por diñeiro en efectivo nin dar a diferenza de prezo se a compra é dun importe inferior. O goberno local pretende con isto que o importe dos premios do concurso se reverta no comercio local.
Para proceder ao reintegro dos bonos, os comerciantes deberán selar o vale e emitir unha factura a nome do Concello de Viveiro polo importe da compra. Permítese ademais emitir unha única factura con varios vales, se así o desexa o comerciante.
O prazo para que os comerciantes canxeen os vales que reciban é o 4 de xuño de 2021. Unha vez emitida a factura, o comerciante debe dirixirse ao Concello de Viveiro con ela e mais os vales canxeados, para poder trocalos por un cheque.
Non obstante, dende o Concello de Viveiro recordan que a participación na iniciativa por parte dos comerciantes é voluntaria, polo que non están obrigados a aceptar os bonos. No caso de precisar máis información, pódese contactar no teléfono 982 560128.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
