Ribadeo, 4 de marzo de 2021. O Concello de Ribadeo repartirá de xeito gratuíto a partires do vindeiro luns, 8 de marzo, 500 botes de produto desinfectante entre os propietarios de cans. O obxectivo é conciencialos da obriga de limpar os ouriñes das mascotas, algo que recolle a nova ordenanza de medio ambiente.
O edil Jorge Díaz lembrou que “estamos traballando nunha nova ordenanza medioambiental e unha das partes que estamos vendo que preocupa bastante aos veciños e veciñas de Ribadeo é o tema dos animais, neste caso dos cans”.
Díaz Freije subliñou que “dentro desa ordenanza levamos unha modificación nova, que ademais de estar obrigados os donos a recoller os excrementos tamén se inclúen os ouriñes. Hai que levar xunto coa bolsa un frasco con auga con xabón ou con produto desinfectante para que cando ouriñe o can nunha zona pública se bote ese líquido para que estea todo moito o máis limpo posible e sen cheiros”.
O concelleiro de Medio Ambiente explicou que “no Concello de Ribadeo poñemos en marcha unha iniciativa, compramos uns 500 botes que levan unha solución limpadora que estarán a disposición dos veciños e veciñas que teñan que sacar a súa mascota á rúa. Dicir que estas unidades son gratuítas para quen teñan un can e poden retirarse en horario de nove da mañá a dúas da tarde na Área de Medio Ambiente a partires do vindeiro luns, día 8 de marzo. Vanse recoller os datos persoais para que non haxa ningunha picaresca. Esta iniciativa está pensada polo ben común, para que estea moito máis limpa a vila e teñamos un Ribadeo máis limpo”.
Nos botes que vai repartir o Concello pódese ler: “O can é teu, as rúas e parques de todos. Non deixes pegada. Por un Ribadeo limpo”.
A campaña foi presentada polo edil de Medio Ambiente, Jorge Díaz, e polo alcalde, Fernando Suárez.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
