Barreiros, 6 de marzo de 2021. A máxima dirixente do PP da provincia de Lugo, Elena Candia, presidiu unha reunión de afiliados do PP de Barreiros na que tamén participou o coordinador do PP da Mariña e deputado autonómico, José Manuel Balseiro; ademais do portavoz municipal, José Manuel Gómez Puente.
O novo voceiro do PP de Barreiros comeza así as primeiras reunións cos afiliados en grupos reducidos para chegar a todos, unha vez que é posible manter xuntanzas respectando as medidas de prevención, distanciamento e aforo. Gómez Puente trasladoulles o traballo que continúa a facer o Grupo Popular na corporación co obxectivo de lograr o apoio da Xunta para importantes proxectos no municipio.
O popular mantivo, neste sentido, unha reunión de traballo co delegado territorial da Xunta recentemente na que lle pedía unha maior implicación do Goberno galego para aquelas infraestruturas máis necesarias para o municipio.
Contacto estreito cos afiliados e apertura do Partido a xente nova
O novo portavoz quere manter un contacto estreito cos afiliados aos que considera “unha das partes máis importantes dun Partido”. Unha vez analizada a nova situación do Grupo Municipal Popular, explicoulles que “manteremos, na medida do posible, encontros periódicos” para “recoller ideas, suxestións e queixas sobre a xestión do actual goberno local” facendo partícipes da política activa aos afiliados.
Gómez Puente sinalou tamén a súa vontade de “construír xuntos o proxecto do Partido Popular de Barreiros”. E, para iso, “convida aos veciños a poñerse en contacto con nós para sumarse á familia do Partido Popular onde serán acollidos de moi bo grao”. En relación á vontade de abrir o Partido a xente nova o popular nomeou especialmente “á xente moza que comparta os ideais do PP” para seguir sumando en beneficio de Barreiros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
