É consello moi a ter en conta, sempre que se trata de paliar os danos das crises, o que con frecuencia se atribúe a Don Bosco en relación cos enfermos: “Se podrá hacer economía en cualquier circunstancia, pero a los enfermos provéaseles de cuanto sea necesario”. O goberno municipal encabezado por María Loureiro (PSOE) debería de tomar boa nota e ter en conta, ademais, que o tecido produtivo de Viveiro, seriamente enfermo debido a crise provocada pola pandemia, precisa que a axuda municipal sexa de aplicación inmediata e eficaz, porque ata agora non foi así. Na primavera do ano 2020 almorzamos un día co titular de que o Concello de Viveiro pagaría os recibos dos autónomos; para os que sabemos o que son os autónomos e as empresas, resultou esperpéntico. O malo foi que o que veu despois ata chegar ao día de hoxe tamén foi esperpéntico.
Aquel anuncio do goberno municipal non tiña pés nin cabeza; se o que se buscaba era sensacionalismo, igual logrou ese efecto en quen non coñece estas cuestións. Pero aínda desta maneira foi efecto de corto recorrido, porque ao pouco tempo xa se viu que non era así. O goberno local, co apoio de Por Viveiro, aprobou os orzamentos e neles unha partida de 400.000 euros para axudas aos autónomos. Era unha medida que a priori estaba ben; a clave do asunto ía estar nas bases para a distribución deses cartos e as bases foron tan desastrosas, tan sen pés nin cabeza, que nun momento de dificultade extrema como a que se vivía, e segue hoxe, quedaron sen gastar case 200.000 euros dos 400.000 consignados para este fin. Hai que facer moi mal as bases, por xente que non ten nin idea do que son os autónomos e o comercio, para que, nas circunstancias xeradas pola pandemia, quedara practicamente a metade dos cartos previstos sen chegar aos seus destinatarios.
Como era previsible, as protestas foron numerosas. E agora, no 2021, volven cometer os mesmo erros, pero co agravante da desfachatez. Agora o goberno local di que destina 200.000 euros en axudas a hostalería e autónomos; pois resulta que, euro arriba, euro abaixo, son os cartos que non logrou asignar no 2020. Anuncia que haberá dúas partidas, ao 50%. Unha será para a hostalería e o turismo e outra para autónomos.
O do goberno local con respecto a hostalería é impresentable, é propio de quen aplica sen miramentos aquilo de que por un lado dou e por outro quito. Porque non é de recibo poñer trabas en momentos como estes; xa quedaramos en que non se ía cobrar polas terrazas. Pois resulta de todo inoportuno e inxustificable que agora se obrigue a facer un plano, a escala 1:100, a todos os establecementos das súas terrazas. Iso implica chamar a un técnico, gastar de cen euros para arriba, cando o Concello dispón de técnicos suficientes para facer este traballo aos hostaleiros.
Os 100.000 euros a autónomos parece que están destinados a favorecer a todos os que quedaron sen subvención o ano anterior. Están recoñecendo que fixeron moi mal feitas as bases. Segundo a prensa, nesta ocasión haberá que demostrar que tiveron un 75% de perdas; de novo entramos no terreo do disparate. Alguén pensa que un autónomo pode ter o 75% de perdas? Ningún pode ter esas perdas, porque, para entón, xa tivo que cesar a súa actividade.
Ao goberno presidido por María Loureiro hai que dicirlle que, se non quere dar axudas, que non as dea, pero que non engane a tantos veciños que, debido á crise provocada pola pandemia, viven meses moi duros, difíciles, tristes. Lembre, señora Loureiro, que “se podrá hacer economía en cualquier circunstancia, pero a los enfermos provéaseles de cuanto sea necesario”. Pois os autónomos, a hostalería e o comercio de Viveiro están economicamente enfermos e hai que axudalos de verdade para que resistan. Xa é hora de que o faga.
Óscar Rodríguez (portavoz do PP de Viveiro)
O público poderá degustar embutidos de porco celta da gandería Celtagal, de Mondoñedo. O deputado de Rural Daniel García, Alba Fernández, da organización das festas, e Iván Rodríguez e Jose Barreira, representantes de Asoporcel, presentaron a iniciativa, que se inclúe no programa de fomento do consumo de razas autóctonas Un gusto de rural, un rural de gusto. O programa, posto en marcha en 2025 para socializar as calidades gastronómicas das carnes de razas autóctonas galegas con diferentes receitas, prevé este ano 37 degustacións en mercados, feiras e outras celebracións populares. Na organización, que conta coa colaboración das asociacións Puraga, Asoporcel e Boaga, prímase o emprego de materia prima de gandeiras e gandeiros locais.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
No acto acompañará ao autor o filólogo e escritor Ramón Reimunde.