O PP da Fonsagrada alerta de que a nova depuradora constitúe un foco de contaminación mediombiental moi importante

A Fonsagrada, 29 de marzo de 2021. O voceiro do PP de A Fonsagrada, José Regueiro, alerta de que o mal funcionamento da nova depuradora provoca que augas residuais “teoricamente limpas” desemboquen en fincas de particulares, co conseguinte risco que isto supón para a salubridade dos veciños e incluso para o mantemento de infraestruturas viarias que tamén se ven afectadas co aumento do caudal cando chove.
Son auguas residuais da depuradora que se unen con aguas pluviais xa que a tagea era para recollida de augas da chuvia

Os populares precisan que, dende a recente construción desta dotación, localizada na estrada LU-721, conectouse a súa saída á gabia da estrada, co fin de recoller as augas da chuvia, causando con elo mal olor e acumulación de residuos.

Ademais, a presión coa que discorren as augas residuais, ocasionou a súa filtración entre as pedras, deteriorando con elo a estrutura da estrada. Tal é así que, ao non estar canalizado, a ruta de sendeirismo do lugar e a vía que une Fornos de Cal con Aula Verde anegáronse en diversas ocasións.

Por outra banda, “e froito da nula xestión do goberno local”, o Concello, malia non haber ningún núcleo de poboación próximo, ten instalado un colector de residuos orgánicos nas inmediacións da depuradora, “o que incrementa aínda máis, precisa Regueiro, o risco medioambiental e sanitario”.

Petición directa ao alcalde
“Estas aguas desembocan en ríos do que, probablemente, se serven varios núcleos para consumo e outros usos. Por iso, lle pedimos ao alcalde que tome nota da situación e emprenda as xestións que sexan oportunas para corrixir a inseguridade que xera o funcionamento dunha dotación que, malia levar pouco tempo funcionando, xa esixe un acondicionamento e mellor mantemento”. E é que, segundo advirte o popular, “esta situación deixa entrever que a depuradora non procesa a auga correctamente”. “Isto é un total desgoberno que chega ata o punto de ser un perigo para o medio ambiente e a saúde das persoas”, conclúe.