Lugo, 29 de marzo de 2021. A subdelegada do Goberno, Isabel Rodríguez, e o alcalde da Pontenova, Darío Campos, realizaron hoxe unha visita ao lugar de Foxas para comprobar os traballos de mellora da eficiencia enerxética realizados no municipio e que foron subvencionados polo Ministerio para a Transición Ecolóxica e o Reto Demográfico.
Isabel Rodríguez informou de que o Ministerio colaborou co Concello da Pontenova na mellora do alumeado público exterior do municipio, ao que dedicou unha achega de 112.282 euros para un proxecto que supuxo un investimento total de 138.299 euros.
Isabel Rodríguez destacou que “esta actuación realizada na Pontenova enmárcase nun relevante programa de respaldo aos concellos da provincia por parte do Goberno para facilitarlles que melloren a eficiencia enerxética tanto do alumeado público como das dependencias municipais”.
“Con estes proxectos, que subvenciona na provincia o Ministerio para a Transición Ecolóxica e o Reto Demográfico, a través do Instituto para a Diversificación e Aforro da Enerxía (IDAE), axudamos aos concellos a contaminar menos e tamén a aforrar no gasto corrente pola factura do consumo de enerxía”, manifestou a subdelegada.
Pola súa parte, Darío Campos explicou que a actuación realizada na Pontenova permitiulle ao Concello un importante aforro na factura do alumeado público, que se calcula no 50% do custe anterior, así como reducir en 44,22 toneladas anuais as emisións de CO2 á atmosfera.
O alcalde tamén informou que o proxecto apoiado polo Ministerio, a través do IDAE, supuxo a instalación dun total de 482 novas luminarias en distintas puntos do concello, posto que, ademais de en Foxas, o proxecto abrangueu o Polígono, varias rúas da vila da Pontenova, así como Coba, Saldoira, Cabana, Vilar das Pedras, Liñeiras, Curras, Acebro, San Esteban, Vilaouruz, Santalla e Goios.
AXUDAS DO IDAE
As axudas concedidas polo Instituto para a Diversificación e Aforro de Enerxía (IDAE), do Ministerio para a Transición Ecolóxica e o Reto Demográfico, convocáronse polo Real Decreto 316/2019, do 26 de abril, polo que se regulan as subvencións a proxectos singulares de entidades locais que favorezan a transición cara a unha economía baixa en carbono no marco do Programa Operativo FEDER Plurirrexional de España 2014-2020.
Os proxectos beneficiarios das achegas deben axudar á redución das emisións de CO2 con accións que melloren a eficiencia enerxética na edificación e nas infraestruturas e servizos públicos, que fomenten a mobilidade urbana sustentable ou que potencien o uso das enerxías renovables de usos térmicos, así como o autoconsumo eléctrico.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
