Viveiro, 8 de abril de 2021. Os deputados mariñáns do Grupo Popular de Galicia, Elena Candia, José Manuel Balseiro e Daniel Vega, acompañados polo voceiro municipal Óscar Rodríguez, deron a coñecer en rolda de prensa que o Ministerio da Seguridade Social, rectifica da súa posición inicial e di agora que non se oporá á cesión do antigo colexio de Celeiro, pero mantén a negativa de que esa cesión poida facerse de xeito gratuíto.
O organismo estatal incumpre deliberadamente o acordo acadado no Parlamento de Galicia o pasado mes de novembro, a iniciativa do grupo popular, que foi aprobado por unanimidade, “isto é, co voto favorable de todas as forzas políticas, incluído PSOE e BNG”. A Cámara galega instaba ao Goberno central a formalizar a doazón do edificio do antigo colexio á maior brevidade posible.
Limitando a cesión deste inmoble a unha futura venda, a administración do Estado segue “torpedeando” a aspiración da veciñanza de Viveiro e do conxunto da comarca que, hai xa máis de dous anos, acollía con satisfacción o triplo acordo ao que chegaron a Xunta, o Concello de Viveiro e a Deputación provincial, nun exemplo moi positivo de colaboración institucional.
Así lembran que a cesión do antigo colexio de Celeiro permitiría trasladar a este edificio, unha vez rehabilitado, a escola de idiomas Luzo Pozo Garza e, tras isto, aproveitar as instalacións que deixa baleiras o centro de idiomas para que a asociación Aspanane puxera en marcha unha residencia para persoas con discapacidade intelectual, a primeira da comarca, destas características.
Decisión incomprensible
Para os populares a negativa do organismo estatal á cesión gratuíta do antigo colexio “é incomprensible”. En primeiro lugar, porque estamos a falar dun edificio sen uso, practicamente en situación de abandono”. O antigo colexio segue deteriorándose sen que o Goberno central, neste tempo fora quen de darlle un uso alternativo.
A segunda razón pola que non se entende a posición do Ministerio ten que ver co agravio comparativo. Sen saír da localidade e na propia comarca, existen exemplos dabondo de inmobles que eran propiedade da Tesourería Xeral da Seguridade Social que foron cedidos a outras administracións de xeito gratuíto para darlle novos usos.
O PP considera que o Ministerio está obrigado a dar explicacións acerca desta distinta vara de medir. Así, lembraron a cesión do espazo que hoxe ocupa o centro de día para enfermos de alzhéimer na Casa do Mar de Celeiro, a cesión da casa do mar de San Ciprián para acoller a nova escola infantil municipal ou cesións similares no Vicedo e en Foz.
“Queremos saber que hai detrás desta manobra. Fano por razóns políticas”, insisten desde o PP, tras advertir que ningunha administración debera pagar “nin un euro” por ese inmoble, o vello colexio, co que a Seguridade Social “quere facer negocio”.
Reunión con Aspanane e compromiso para manter a presión
Por outra banda, os populares explicaron que esta mesma mañá, e tras coñecer o escrito da Tesourería Xeral da Seguridade Social no que condiciona a transmisión do inmoble, mantiveron unha reunión con responsables de Aspanane aos que deron conta deste novo obstáculo que o Ministerio impón ás aspiracións deste colectivo.
Ante as nais e pais desta asociación comprométense a manter toda a presión posible para facer que o Ministerio rectifique, reivindicación á que agardan sumar tanto ao Concello como á Deputación.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
