A Mariña, 19 de abril de 2021. O alcalde de Foz e presidente da Mancomunidade de Concellos da Mariña Lucense, Fran Cajoto, participou este luns, 19 de abril, en Lanzarote na xornada de presentación da Estratexia de Sostibilidade Turística en Destino, organizada pola Secretaría de Estado de Turismo e que contou coa presenza da Ministra de Industria, Comercio e Turismo, Reyes Maroto.
A cita tivo por obxectivo reflexionar sobre as oportunidades e retos que dita estratexia plantexa para os destinos turísticos e, neste caso, para a Mariña.
Ao acto de inauguración asistiron a ministra de Industria, Comercio e Turismo, Reyes Maroto, o presidente de Canarias, Ángel Víctor Torres, xunto á presidenta do Cabildo de Lanzarote, Mª Dolores Corujo, e outras personalidades. A xornada foi clausurada polo Secretario de Estado de Turismo, Fernando Valdés, e pola conselleira de Industria, Comercio e Turismo de Canarias, Yaiza Herrera.
O alcalde de Foz e presidente da Mancomunidade, Fran Cajoto, participou xunto a outros alcaldes de toda España entre os que se encontraban a rexedora de Santander, o rexedor de Ávila ou o alcaldesa de Jaca, nunha mesa redonda sobre os retos e oportunidades da sostibilidade en destino. Fran Cajoto participou como poñente representante dos destinos rurais costeiros, entre os que se encadra a Mariña. O alcalde de Foz e presidente da Mancomunidade destacou a potencialidade turística desta comarca, aínda sen explotar en moitos aspectos: “temos unha moi boa oportunidade de desenrolar o turismo na Mariña, sempre pensando na preservación da natureza e no enorme patrimonio cultural, que é a nosa sinal de identidade. O visitante valora moito, mais que nunca, os destinos sen aglomeracións e queremos potenciar as nosas sinais de identidade: praias aínda virxes e un interior con grandes paisaxes e rutas por desfrutar”.
O presidente da Mancomunidade agradece o apoio da Secretaría de Estado de Turismo que se visualiza na participación da Mariña nesta mesa redonda, representando aos destinos rurais costeiros e poñendo o acento galego nas xornadas: “despois do apoio claro e decidido da Secretaría de Estado de Turismo, das declaracións do vicepresidente Rueda en marzo nas que comprometeu o apoio da Xunta a este plan, e da unanimidade de todos os Concellos na necesidade do mesmo, a Mariña pode considerarse unha seria candidata nesta convocatoria. O plan contou cunha moi boa puntuación técnica no 2020 , tanto pola configuración do propio plan como polas actuacións que inclúe, transversais e comúns a todos os concellos que conformamos a Mancomunidade”
Cajoto engadiu: “agardamos desta volta que se materialice e sexa posible contar cuns recursos que son moi necesarios. Os plans de sostibilidade turística para destinos rurais contan cun orzamento entre 2 e 4 millóns de euros, que se reparten en tres anualidades, do 2022 ao ano 2024”.
Alcoa
Fran Cajoto aproveitou a ocasión para trasladarlle á ministra de Industria e ao seu gabinete “a inquedanza polo futuro de Alcoa de todos os mariñáns e a necesidade dunha venta a unha firma solvente e fiable”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
