Barreiros, 26 de abril de 2021. A alcaldesa de Barreiros, Ana Ermida, reuniuse na mañá de hoxe coa subdelegada do Goberno en Lugo, acompañada da tenente de alcaldesa, Carmen Veiga; onde trasladaron directamente o contido do informe emitido polo Concello de Barreiros ao proxecto de estabilización da praia de Altar e do seu estudo de impacto ambiental.
O informe emitido polo Concello de Barreiros conclúe que “é precisa a reformulación do tipo de solución a adoptar para estabilización da Praia de Altar e a incidencia que se produza na zona do estuario do Masma. Neste sentido, non se considera oportuno neste momento a posta en marcha da tramitación administrativa tendente á execución do “proxecto de estabilización da Praia de Altar e do seu estudo de impacto ambiental”, por consideralo excesivamente duro no impacto que poida producir na zona a outros niveis. Considérase máis oportuno, se procede, o estudo e realización doutras alternativas menos agresivas a nivel medioambiental e paisaxística, aínda sendo conscientes da fraxilidade e/ou provisionalidade de ditas actuacións; como pode ser o imprescindible dragado dunha zona ampla do estuario e o estudo da posibilidade de aproveitamento da area extraída no mesmo.”
No escrito presentado, que recolle o sentir unánime da corporación barreirense, exponse que “o feito de que o proxecto tomado como base veña temporalmente de anos atrás, supón que as modificacións sociais ou colectivas que se puideron producir – que sen dúbida se produciron e máis se cabe nun municipio coma Barreiros, que foi obxecto dunha transformación de modelo socioeconómico con evidentes consecuencias- non se teñan referenciadas ou tidas en conta en dito plantexamento. De feito, con posterioridade a ditas datas, sobre a zona de Altar e o seu sistema dunar, téñense deseñado plans medioambientais de protección –por exemplo no caso da píllara das dunas- que non se contemplan inicialmente no proxecto presentado.
É por isto, polo que o período de información oficial e exposición pública foi notablemente convulso, pois a perspectiva que recolle o proxecto non se adecúa ás expectativas ou preocupacións sociais actuais.”
A alcaldesa agradeceu a receptividade amosada ás apreciacións presentadas tanto pola subdelegada do Goberno coma polo xefe do servizo provincial de Costas e valorou “o diálogo aberto e a disposición a adoptar a mellor decisión posible nunha problemática tan complexa como é a regresión da costa e as súas consecuencias a todos os niveis.”
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
