Lugo, 2 de maio de 2021. A Xunta de Galicia, a través da Consellería de Medio Ambiente, Territorio e Vivenda, publicou esta semana a resolución de nove actuacións para crear ou mellorar infraestruturas municipais noutros tantos concellos da provincia de Lugo, cun orzamento de preto de 520.000 euros. Estes novos plans, que apostan pola mellora da urbanización, equipamentos e recuperación de espazos públicos, levaranse a cabo nos concellos de Antas de Ulla, Barreiros, Begonte, Cospeito, Guitiriz, Pol, Trabada, O Vicedo e Vilalba.
As obras de maior contía do coñecido como Plan Hurbe corresponden ás intervencións que se farán nos concellos de Cospeito, Trabada e Vilalba, todos eles cun presuposto de 67.760 euros. En Feira do Monte actuarase na Travesía de Curros Enríquez e na Praza Maior; no municipio da Mariña, na mellora da rúa Cotarelo; mentres, na capitalidade da Terra Chá actuarase na humanización da Travesía dos Castros, desde o seu cruce coa rúa Calvario ata o cruce coa avenida da Terra Chá no núcleo urbano de Vilalba.
No concello de Guitiriz, o Plan Hurbe contempla a mellora da rede de saneamento entre a rúa Lagoas e rúa Xermolos, cun orzamento de máis de 66.000 euros, mentres que no municipio de Barreiros, cun orzamento de algo máis de 64.000 euros actuarase na humanización do centro de San Cosme.
No concello de Antas de Ulla os traballos do Plan Hurbe consistirán na recuperación, humanización e mellora urbana da rúa General Portomeñe, unha obra á que se dedicarán máis de 61.000 euros.
Tamén haberá actuacións referidas á mellora da seguridade vial nos entornos urbanos. Esta é precisamente a obra prevista no concello de Pol, e de xeito máis concreto no núcleo de Mosteiro, que terá un orzamento de preto de 46.000 euros.
Pola súa banda, en Begonte actuarase na instalación para subministro eléctrico ao depósito de auga potable cunha inversión de algo máis de 45.000 euros, mentres que no municipio do Vicedo, cun orzamento de case 34.000 euros, o proxecto inclúe a humanización e accesibilidade da zona dotacional do pobo.
Cómpre recordar que, tal e como se recollía na orde da convocatoria, as axudas concedidas equivalen ao 70% do custo total da actuación subvencionable e a contía máxima a percibir por cada concello é de 67.760 euros (IVE engadido).
Javier Arias sinalou que todas estas obras “supoñen unha mellora estética e amplían os servizos para os veciños e veciñas de cada un destes nove concellos”, na liña dos obxectivos do Plan Hurbe. Neste sentido, lembrou que este programa pretende dar resposta á necesidade de humanización das vilas e incrementar o atractivo dos núcleos rurais como factor determinante do equilibrio territorial.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
