Viveiro, 5 de maio de 2021. O Concello de Viveiro informa da aprobación da sinatura do convenio coa Comisión Interuniversitaria de Galicia (CIUG) para a celebración en Viveiro da proba de Avaliación do Bacharelato para o Acceso á Universidade (ABAU).
Este convenio implica as convocatorias ordinaria, en xuño, e extraordinaria, en xullo, para o alumnado de Bacharelato que cursan os seus estudos nos seguintes centros: IES de Ortigueira, de Ortigueira; IES Dionisio Gamallo Fierros, de Ribadeo; IES de Foz, de Foz; IES Monte Castelo, de Burela; IES Porta da Auga, de Ribadeo; IES Marqués de Sargadelos, de San Cibrao; IES Perdouro, de Burela; e os IES Vilar Ponte e IES María Sarmiento, de Viveiro. A celebración desta proba no termo municipal de Viveiro implica un custe de 12.640,15 euros.
Respecto das probas ABAU xa celebradas, en xuño de 2020 na Comisión delegada número 14 en Viveiro, examináronse 298 alumnos e alumnas na convocatoria ordinaria. O alumnado procedía dun total de 9 institutos de ensinanza secundaria, pertencentes aos concellos de Ribadeo, Foz, Burela, Cervo, Mondoñedo e Viveiro.
Nesa convocatoria, por mor da pandemia provocada polo COVID-19 e debido as restricións perimetrais, incluíuse o IES Plurilingüe San Rosendo do concello de Mondoñedo, en detrimento do IES de Ortigueira, que as realizou en Ferrol.
Respecto á convocatoria extraordinaria de 2020, presentáronse un total de 27 estudantes pertencentes os institutos dos Concellos citados anteriormente, agás Mondoñedo que acudiu a Lugo, incluíndo de novo ao alumnado do Instituto de Ortigueira.
Respecto ao estado dos pagos por parte dos concellos pola realización destas probas en Viveiro, e respondendo á pregunta efectuada na Comisión de Desenvolvemento Local do pasado xoves 29 de abril, o Concello de Viveiro detalla a continuación o estado dos pagamentos.
O pasado 23 de decembro, o Concello de Viveiro enviou a todos os concellos a correspondente liquidación en base aos alumnos/as e períodos, tanto do ano 2020 como os que tiñan pendentes cantidades de pago de anos anteriores.
Deste modo, os Concellos de Cervo, Burela e Foz están ao día nos seus ingresos, así como Viveiro, concello que anticipa o pago total. O Concello de Cervo aboou a cantidade das probas do ano 2020 o 29 de decembro de 2020 e o Concello de Burela, o día 30 de marzo de 2021.O Concello de Foz púxose o día aboando a cantidade atrasada de 18.772,24 euros o día 29 de xullo de 2020 e o correspondente ao ano 2020, o 24 de decembro de 2020.
Por parte do Concello de Ribadeo, está pendente de pago a cantidade de 20.412,74 euros, dende o ano 2.011 ata o ano 2.020 inclusive.
Por parte do Concello de Ortigueira a cantidade pendente de pago ascende a 10.888,34 euros, nos periodos comprendidos entre os anos 2008-2010 e 2011 a 2020. Tamén está pendente de abono o Concello de Mondoñedo, que segundo foi informado o Concello de Viveiro, realizará dito ingreso en breve, dunha cantidade de 622,28 euros.
Dende o Concello de Viveiro insisten en que en diversas ocasións mantiveron conversas cos citados concellos, co obxecto de regularizar ditos pagos, mais sen que se fixeran efectivos ata o día de hoxe.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
