Ribadeo, 7 de maio de 2021. Do 8 ao 23 de maio terá lugar a VIII Quincena do Mar nos catro restaurantes do porto deportivo de Ribadeo: San Miguel, Náutico, Marinero e La Solana. Coa iniciativa gastronómica colabora nesta edición a Xunta de Galicia.
No acto de presentación, que tivo lugar esta tarde no porto ribadense, o hostaleiro José Blanco, de La Solana, en nome dos organizadores dixo que “hoxe queremos presentarvos a VIII Quincena do Mar. Estas quincenas foron organizadas xunto ao porto deportivo de Ribadeo en colaboración cos hostaleiros que temos locais nesta zona. Do 8 ao 23 de maio queremos poñer en valor a calidade, variedade e riqueza dos nosos produtos do mar de proximidade, produtos cos que traballamos nos nosos restaurantes día a día”.
Blanco explicou que “os locais que participamos nestas xornadas presentaremos diferentes propostas culinarias, tanto tapas como pratos e sobremesas, onde os produtos do mar serán os grandes protagonistas. Para esta VIII Quincena Do Mar unímonos os restaurantes situados no porto de Porcillán, o San Miguel, o Náutico, o Mariñeiro e La Solana, co fin de que os ribadenses e visitantes poidan gozar dunha contorna única á vez que saborean o auténtico sabor do mar”. Os organizadores tiveron palabras de agradecemento para a Xunta de Galicia pola súa colaboración.
Ao acto de presentación asistiron, entre outros, o delegado territorial da Xunta en Lugo, Javier Arias; o alcalde de Ribadeo, Fernando Suárez; o parlamentario autonómico, Daniel Vega; a directora xeral de Pesca, Acuicultura e Innovación Tecnolóxica, Mercedes Rodríguez; o xefe territorial de Mar, Pablo Fernández; o presidente do Real Club Náutico de Ribadeo, Juan Calvo Sotelo; e o secretario de Confraría de Pescadores ribadense, Justo Navarret.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
