LUGO .- A Deputación continúa a traballar dende primeiras horas do día de onte para restablecer a situación nas estradas provinciais da Mariña e para atender as incidencias ocasionadas polas fortes choivas que ocasionaron importantes danos materiais nesta zona da provincia. Nestes momentos, as empresas adxudicatarias da Conservación da rede viaria provincial están a traballar en todos os Concellos que presentan problemas, así como as máquinas do Parque Móbil. En total, o amplo dispositivo despregado pola Deputación está formado por 90 operarios e 61 vehículos.
A intensidade das choivas rexistradas sobre todo no día de onte é a consecuencia de que nestes momentos permanezan cortadas ó tráfico 9 estradas provinciais das que 7 están na zona norte da provincia e as dúas restantes en Cospeito e Paradela. Polo que se refire ós viais que están pechados na Mariña son os seguintes: Ourol (CP 6502 por desprendemento dun taúde); Ribadeo (CP 5204 por derrubamento dunha ponte); Trabada (CP 6104 e CP 5204 por fundimento da calzada no primeiro caso e derrubamento de taúdes no segundo); Lourenzá (CP 2808 por asolagamentos); A Pontenova (CP 4809 por fundimento da calzada); e Foz (CP 2007 por fundimento da estrada e por desprendementos). No caso do resto da provincia está pechada a CP 1703, en Cospeito, por auga na estrada e a CP 4203, en Paradela, pola presenza dunha árbore que invade a vía.
O dispositivo mobilizado pola Deputación continúa en alerta para atender calquera tipo de incidencia que poida xurdir na rede viaria provincial e garantir a seguridade dos viandantes, e para que a situación se restableza canto antes.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
