Viveiro, 26 de maio de 2021. O goberno de Viveiro, presidido pola socialista María Loureiro, é un exemplo de como se poden perder oportunidades e deixar pasar trens aos que o municipio tería que subirse para mellorar as súas posibilidades de desenvolvemento económico e social. Así o di o portavoz popular, Óscar Rodríguez, que destaca que o Concello deixou pasar a oportunidade de participar no plan Actívate, da Deputación, e agora perde a ocasión de entrar no programa de mellora de accesos a praias. É, di Óscar Rodríguez, unha oportunidade perdida para abrir o acceso á praia de Sacido. Os populares presentarán preguntas no próximo pleno en relación con este asunto.
Óscar Rodríguez lembra que “con data 11 de maio puidemos ver na prensa que por parte de Costas vaise proceder o arranxo do acceso de distintas praias da Mariña; son accesos que están pechados e a Subdelegada do Goberno manifestou que estes traballos están incluídos no Plan de Conservación e Mantemento do Litoral”. Explica que, polo que publicaron os medios de comunicación, hai intervencións previstas en Barreiros, Foz e Burela, “pero non vemos nin unha soa partida para Viveiro”.
O portavoz popular di: “En Viveiro, o areal de Sacido leva catro anos sen acceso; ademais de ser unha praia fermosa, está ao carón dun hotel de catro estrelas. O acceso pechado dá unha imaxe deplorable e priva do seu uso a veciños de Viveiro e aos visitantes”.
Os populares queren saber por que Sacido non está incluída no citado programa. Preguntan ao goberno se ten algún proxecto para abrir o acceso a esta praia e, de ser así, en que prazo.
Rodríguez sinala: “Unha e outra vez queda de manifesto o desinterese e a falta de capacidade de xestión tanto da alcaldesa como dos membros do seu equipo. É incomprensible que Viveiro quede fora do citado plan estatal; é unha demostración máis da total falta de peso que ten a señora Loureiro no PSOE”
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
