Ribadeo, 5 de xuño, 2021. Na XXVI Feira da Ciencia e da Cultura do IES Ribadeo Dionisio Gamallo tivemos a sorte de contar coa colaboración de catro mulleres investigadoras.
A conferencia inaugural foi impartida para alumnado de 4º ESO por Sonia Villapol, neurocientífica natural de Bretoña que dende 2010 traballa en EEUU, actualmente como investigadora principal e profesora no Texas Medical Center de Houston. Ademáis, dende fai un ano, coordina o Equipo de Investigación Internacional da COVID-19. Na súa conferencia titulada “ A ciencia rescatounos da pandemia” ademáis de falar da Covid 19 e dos danos neurolóxicos que ocasiona, contounos que cada día busca financiación e ideas para o seu equipo de investigación e reflexionou sobre a importancia da cooperación internacional a nivel científico indicando que coa vacinación masiva, o final da pandemia está próximo.
Outra videoconferencia foi con María Vieites, doutora en física nuclear que traballa en Suiza, para o CERN, como investigadora no Grupo de Física de Altas Enerxías. Impartiu para nós a charla “O Cern: acelerando e detectando partículas”. Contounos como funciona o Centro Acelerador de Partículas, que é a máquina máis grande construída polo ser humano, deunos datos tan curiosos como que o túnel do acelerador está situado a 100 metros de profundidade e que traballan coas temperaturas máis frías de toda a galaxia, a -271,3ºC pero ademáis, tratou de que entenderamos a necesidade da antimateria nun mundo dominado pola materia. Do seu traballo diairo destacou que lle permite estar en contacto con colaboradores do CERN repartidos por máis de 80 países e que a información é compartida entre todos o que supón unha grande vantaxe á hora de investigar. Finalmente, María, que foi gran colaboradora como alumna en moitas Feiras da Ciencia, confesounos que ademais de investigar tamén lle gusta divulgar para achegar a ciencia ó público.
De xeito presencial, tivemos a sorte de contar con Ana Boullón, Doutora en filoloxía galega, profesora titular do departamento de galego da USC e que recentemente foi nomeada membro de número da Real Academia Galega (RAG), da que xa é correspondente. O seu ámbito de investigación céntrase sobre todo na onomástica, na edición de textos e na lexicografía. Pronunciou unha charla titulada “Os apelidos galegos” e na súa intervención, explicou a historia da creación dos apelidos e centrouse nalgúns propios da zona de Ribadeo. Como autoridade destacada tamén no ámbito da toponimia, rematou aludindo á polémica sobre a denominación da ría, defendendo, de xeito moi documentado o nome Ría de Ribadeo.
A cuarta muller investigadora coa que contamos na XXVI Feira da Ciencia e da Cultura foi Laura Calaza, licenciada en Matemáticas na USC coa especialidade en Estatística e Investigación Operativa, Máster en Técnicas Estatísticas, membro activo da Real Sociedade Matemática Española pero tamén dende 2015, membro do Instituto da Lingua Galega participando nos proxectos que se desenvolven dentro da Rede de Investigación de Tecnoloxías e Análise de Datos Lingüísticos (TecAnDaLi).
Impartiu dúas charlas: unha para alumnado de 3º ESO titulada “O debate do X” e outra para alumnado de 1º Bacharelato baixo o título “Dime como falas e direiche de onde eres”. Ter unha matemática falando de dialectoloxía galega supón para nós un valor engadido pois axuda a romper esa fronteria entre as ciencias e as letras. Están moito máis ligadas do que podemos imaxinar e Laura demostroullo sobradamente ó noso alumnado.
Dende o IES de Ribadeo Dionisio Gamallo, agradecémoslle a todas elas a súa colaboración desinteresada e dámoslles a noraboa polo seu traballo. Foi un honor contar con elas.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
