Foz, 11 de xuño de 2021. Hai accións de goberno que necesariamente se repiten cada ano. Polo tanto, son accións totalmente previsibles e que a ninguén collen por sorpresa. É o caso da necesaria roza da maleza cando chega a primavera e o verán. Pois ben, o goberno municipal de Foz, presidido polo socialista Fran Cajoto, foi incapaz un ano más de programar debidamente as tarefas de roza e agora choven as críticas tanto dos propios focenses como dos visitantes. O portavoz municipal do PP, Javier Castiñeira, sinala: “Unha vez máis o grupo municipal do PP ten que facerse eco das queixas de moitos veciños e visitantes do concello de Foz, que ven como o municipio está sen desbrozar en zonas tan importantes como son as áreas recreativas vinculadas a praias ou ámbitos como o Bispo Santo; tamén os paseos e, sobre todo, a zona rural. As parroquias ven como a maleza invade as nosas estradas e tamén as da Deputación que pasan polo noso concello. Este problema dáse tamén no polígono industrial; foron moitos os usuarios do polígono que nos pediron que demandáramos do Concello que envíe persoal para rozar”.
Castiñeira di que a situación que describe “é froito dunha política de xestión lenta, que chega tarde, dun goberno contaxiado pola parsimonia do alcalde, que está prexudicando a moita xente, e danando a imaxe do noso concello”. Sinala: “A proba do que di o PP é a contratación dun vixiante medioambiental. Temos que recordar que o goberno de Foz ten dez concelleiros, tres deles asalariados e entre todos non son capaces de facer un traballo que agora teñen que contratar. Noutras épocas era o propio concelleiro o que facía de vixiante, pero parece que agora, con dez concelleiros, non chega. Vemos ben que se contrate persoal pero para traballos útiles; está vixilancia ben a pode facer perfectamente o equipo de goberno e así podería contratar a alguén para facer labores medioambientais como o que pedimos neste momento: a roza”.
Castiñeira insta “aos señores do equipo de goberno do Concello a que fagan o posible para rozar canto antes os paseos, as áreas recreativas, as parroquias e o polígono industrial”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
