Burela, 12 de xuño, 2021. As Guerreiras Laranxas están a paso de conseguir a súa cuarta liga da historia despois de impoñerse este mediodía ao STV Roldán FSF (5-1), en semifinais do Play Off de Torrejón de Ardoz. O Pescados Rubén Burela FS poderá defender o título como actual campión mañá na cita decisiva fronte ao Futsi Atlético Navalcarnero, primeiro finalista tras vencer a AD Alcorcón FSF (5-2). O Clásico, que arrincará ás 16.00 horas, poderá seguirse polas canles da RFEF.
Grande equilibrio repetiu o Jorge Garbajosa na pugna entre galegas e murcianas, como tamén se viviu no derbi madrileño. Jane avisou con moito perigo nos seus primeiros compases sobre a pista, no minuto 4, pero foi Leti Cortés, antes de chegar ao ecuador do primeiro tempo, quen estreou o luminoso nunha transición iniciada por Bea Mateos e con perfecta asistencia a un toque de Peque. Cristina evitou o segundo laranxa no minuto 12 ante Dany e tan só dous minutos despois Marta Pelegrín puxo a igualada nunha falta directa desde a banda; a 4 de Juan Alcaraz xa puxera a proba a rede de Jozi, no 9, con despexe da hispano-brasileira por arriba. Dispuxo de ocasións o conxunto de Julio Delgado para recuperar a vantaxe e foi Peque a que selou o 2-1 a falta de 48 segundos para a bucina do descanso, en parede con Cami. Antes Jane, nun bo recorte, e Ale de Paz, en dobre penalti, non puideran conseguilo.
O terceiro resistíuselles ás Guerreiras ata o minuto 33, que chegou coa firma de Jane en dobre penalti. Segundos antes tivera Ángela Gorriz unha de ouro en estratexia. Con pouco máis de cinco minutos para o final, STV Roldán optou por xogo de cinco, pero non conseguiu xerar perigo. No 37, Peque ampliou ao 4-1 a porta baleira e a falta de 17 segundos Jane tamén selou o seu dobrete, de novo con dobre penalti.
Ficha técnica
Pescados Rubén Burela FS: Jozi, Peque, Lara Balseiro, Ale de Paz, Leti Cortés, cinco inicial; tamén xogaron Cami, Dany, Jane, Luísa Mayara, Bea Mateos
STV Roldán FSF: Cristina, Andrea Marín, Alba Gandía, Consuelo, Ángela Gorriz, cinco inicial; tamén xogaron Marta Pelegrín, Riscos, N. Montero, Lola, Mariángeles, Almudena
Goles: 1-0, minuto 9, M. Cortés; 1-1, minuto 14, Marta Pelegrín; 2-1, minuto 20, Peque; 3-1, minuto 33, Jane (d. p.); 4-1, minuto 37, Peque; 5-1, minuto 40, Jane
Árbitros: Lydia Guillem // Pablo Delgado // Irene Vargas // Ana Sánchez. Por Roldán amarela para Ángela Gorriz (minuto 27) e vermella para Marta Pelegrín (minuto 40)
Incidencias: Segunda semifinal de Play Off polo título de liga 2020-21 disputada no Jorge Garbajosa de Torrejón de Ardoz. Xunto ao presidente do Pescados Rubén Burela FS, Manuel Blanco, apoiaron ás Guerreiras dende o palco de autoridades o deputado de Deportes de Lugo, Efrén Castro, e o responsable de fútbol sala de RFGF, Pablo Prieto.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
