Madrid, 23 de xuño de 2021. O deputado do BNG no Congreso, Néstor Rego, rexistrou hoxe a solicitude de comparecencia na Comisión de Industria da Ministra Reyes Maroto e da Presidenta da SEPI, Belén Gualda, para que expliquen a posición do Goberno sobre a situación de Alcoa San Cibrao e das plantas da Coruña e Avilés e, particularmente, sobre a negativa expresada nas últimas semanas a que a SEPI se faga cargo das plantas como paso imprescindíbel para garantir proxectos industriais estábeis que aseguren a continuidade da actividade e dos postos de traballo.
O BNG considera que a situación en que se encontran as plantas non permite esperar máis e exixe de solución decididas. No caso de San Cibrao, porque se aproxima a finalización do prazo de dous meses estabelecido para a negociación e persiste a reclamación de que calquera proceso de compra-venda pase pola SEPI. Xa no caso da Coruña porque a planta se acha baixo intervención xudicial e cunha recente sentenza de aplicación do ERE que fai perigar a continuidade da actividade da factoría.
Néstor Rego considera que, neste contexto, a resistencia do Ministerio á intervención pública “é inaceptábel e irresponsábel” e reclama dar cumprimento ás dúas resolución do Congreso -impulsadas polo BNG- que instaban o Goberno á intervención pública das plantas de aluminio.
“Vista a experiencia da Coruña e Avilés e a situación de San Cibrao, fica claro que a única garantía de que a operación de compra-venda sexa exitosa e posibilite unha saída industrial duradeira e de futuro é a compra previa por parte da SEPI como ponte. É o que están reclamando os traballadores e traballadoras. Por iso non entendemos a negativa do Goberno español expresada nas últimas semanas”, sinala Rego.
Para o deputado do BNG resulta máis rechamante esta negativa tendo en conta que hai 15 se facía pública a decisión do Ministerio de Industria de financiar con cargo a un fondo de 600 millóns de euros a construción dunha nova planta de aluminio primario en Zamora. “Non nos parece de recibo que en canto o Ministerio de Industria se resiste a cumprir os compromisos estabelecidos, incluídas as resolucións do Congreso, estea en disposición de financiar con recursos públicos unha nova planta de aluminio, promovida, por certo, por un coñecido empresario con boas relacións tanto co PSOE como co PP. Primeiro que cumpran coa Mariña e coa Galiza”, resalta Néstor Rego.
O BNG quere que tanto Reyes Maroto como Belén Gualda dean explicacións no Congreso sobre as xestións que están a realizar e a opción da intervención pública para garantir a continuidade da actividade e da totalidade dos postos de traballo nas plantas de aluminio.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
