Barreiros, 23 de xuño de 2021. A alcaldesa de Barreiros, Ana Ermida, vén de dirixirse á conselleira de Infraestruturas e Mobilidade para reiterarlle a necesidade de busca de finanzamento adicional ao terzo comprometido pola Xunta.
A alcaldesa explica que se puxo en contacto telefónico coa conselleira, tras as declaracións e informacións aparecidas nos medios de comunicación nos últimos días, para reiterarlle a necesidade do proxecto e a inviabilidade de realizalo se o Concello ten que asumir un terzo do orzamento; “non só pola magnitude do mesmo e o orzamento que manexa a institución local, senón tamén por unha situación económica herdada de xestións anteriores que situaron a este Concello na práctica quebra técnica.”
Neste sentido, explica que “desde o goberno municipal continuamos a realizar xestións para obter fondos que permitan levar a cabo o proxecto redactado por Augas de Galicia, razón pola que se remitiu o proxecto para a súa toma en consideración ao Ministerio como proxecto tractor con cargo a fondos europeos que se poidan recibir no Estado; unha vez trasladada a imposibilidade técnica de avaliar comparativamente outras alternativas máis económicas presentadas polo Concello de Barreiros ante o ente autonómico”
Ana Ermida, reitera así ante a Consellería “o interese do Concello de Barreiros por levar a cabo dito proxecto que xa conta co aval técnico preciso (aínda que poida ser necesaria a actualización do mesmo, dado o tempo transcorrido); así como a necesidade da obtención de fondos adicionais que supoñan rebaixar a aportación municipal ata unha porcentaxe viable para un Concello coma Barreiros, que conta con un orzamento municipal de arredor de 4 millóns de euros e unha amortización anual de débeda superior ao 10% do mesmo.”
Solicita igualmente na misiva remitida “a aposta do goberno galego por este proxecto fundamental no saneamento das augas -xa que ademais ten un especial impacto na zona costeira, mesmo en zonas de especial protección como Rede Natura, a área de protección das Catedrais e zonas próximas- incluíndoo como prioritario á hora de posibles fondos que puidera xestionar a administración galega.”
Para Ermida a necesidade de levar a cabo este proxecto e o seu impacto transcende o ámbito local e reitera a necesidade de implicación doutras administracións “se realmente existe un interese en levalo a cabo”.
“Por iso, desde o goberno traballamos con rigorosidade e continuidade desde diversos eidos para a procura da viabilidade económica do proxecto, partindo de que a regra dos terzos trasladada pola Xunta a este Concello no seu momento non é realista, ao ser sobradamente coñecida a imposibilidade do Concello de Barreiros de asumir con fondos propios máis de 1 millón de euros”, conclúe a rexedora.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
