Ribadeo, a 29 de xullo de 2021. O Grupo Municipal Popular de Ribadeo defendeu na sesión plenaria da corporación celebrada este mércores diversas iniciativas de interese para Ribadeo e os ribadenses. É o caso da proposta para que o goberno local solicite á Xunta a axuda para adquirir vehículos alternativos, mediante o sistema de renting, con destino aos corpos de Policía Local que permitiría aforrar diñeiro das arcas municipais. Igualmente, a través dunha moción de urxencia, os populares instaban ao Concello a acondicionar o acceso á praia do Cargadeiro e arranxar o cantil onde se producen desprendementos. A este respecto, o voceiro, Daniel Vega, lamenta que “o BNG vote contra a urxencia de mellorar a seguridade deste areal agora no verán que é cando rexistra maior afluencia de xente”.
Co obxectivo de “garantir a seguridade das persoas usuarias da praia do Cargadeiro, presentamos unha moción pola vía da urxencia para instar ao goberno do BNG a acondicionar o acceso á praia do Cargadeiro e arranxar o cantil onde se rexistran derrubamentos”. A iniciativa popular chega despois de que “os propios veciños lle trasladasen esta necesidade ao goberno local que rexeitou actuar botando balóns fóra e sinalando a Costas como organismo competente. Pero esta escusa non nos serve porque as competencias son do Concello segundo recolle o Real Decreto 876/2014, do 10 de outubro, polo que se aproba o Reglamento General de Costas”, indica.
O goberno local actúa despois de que o Grupo Municipal Popular propoña
Vega considera “chocante” que “o goberno local do BNG leve dous anos parado a pesar de saber o problema da falta dun coche para a Policía Local e que se acorde de actuar agora, cando o Grupo Municipal do PP presenta unha moción ao respecto”. Concretamente, a través da moción os populares propoñían mellorar a dotación da Policía Local (en equipamento, novas tecnoloxías e vehículos) para que poidan levar a cabo as funcións que lles competen con rapidez e calidade.
“Estamos de acordo en dotar de medios á nosa Policía Local; pero lamentamos a tardanza do goberno local, que demostra así o pouco que lle importa a seguridade dos veciños”, engade. Ademais, “non entendemos por que non se aproveita unha axuda da Xunta que aforraría os cartos que anunciaron para a adquisición dun vehículo”.
Rogos e preguntas
Os concelleiros populares puxeron enriba da mesa outros temas que lles preocupan aos veciños. Así, defenderon que “o Concello achegue igualmente as subvencións ás asociacións do rural e da vila, aínda que non desenvolvan as actividades habituais ou non se celebren as festas parroquiais”. Defenden, nese sentido, que as poidan dirixir a “acometer obras ou desenvolver outras actividades”, segundo manifestou a concelleira Begoña Sanjurjo. Pero, o certo é que “o goberno local continúa a manter sen actividade as escolas rurais, a pesar de que el mesmo organiza outras na vila”, lamenta.
Sanjurjo preguntou pola conservación e posta en valor do Forte de San Damián onde considera que se debería desenvolver certa actividade cultural. Do mesmo xeito, interesarase por coñecer que pretende facer o goberno local para conservar a antiga imprenta doada por La Comarca e Riberas del Eo.
A vicevoceira, Elena Sierra, preguntou polo lavado e limpeza dos contedores de vila e do rural; o baldeado das rúas; ou o equipamento do parque que segue sen arranxar a pesar de debater o asunto varias veces en Pleno. Tamén se interesou por coñecer se o goberno local do BNG ten previsto actuar no refuxio de pescadores, na Casa da Ría e no auditorio despois da situación de abandono que teñen denunciado nos últimos días. Tamén dará traslado ante o Pleno da necesidade de colocar unha rede na pista polideportiva de Ove “para evitar que os balóns saian ao exterior e provoquen danos nas vivendas próximas”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
