CERVO .- O Concello de Cervo, a través da súa delegación de Protección Civil, puxo hoxe en marcha o Plan de Actuación en Praias Municipal que anualmente vén desenvolvendo nas praias do termo municipal marcado dentro do Plan Sapraga.
O equipo que vixiará e atenderá os areais cervenses estará formado por dez socorristas, dos cales un é patrón de embarcacións de salvamento. Cervo contará con unha lanchas para ese fin, ademais de cinco torres de vixilancia (doadas por Xestión de Mecenado), material de intervención e de primeiros auxilios. Así mesmo, as praias do Torno e da Caosa contarán tamén con senllos desfibriladores portátiles.
Como nos últimos anos, o servizo cervense de salvamento dará información diaria aos usuarios das praias, a través de megafonía e paneis informativos, do estado de mareas, a previsión do tempo e da radiación ultravioleta, así como consellos de autoprotección solar aos bañistas.
Tanto o alcalde de Cervo, Alfonso Villares, como a concelleira de Protección Civil, Pilar Armada, e o xefe deste servizo, Mario Antuña, salientaron a labor feita neste eido polo concello de Cervo nos últimos anos, e lembraron que Cervo foi pioneiro na activación elaboración do seu propio Plan de Actuación Municipal de Salvamento en praias, cuxa redacción finalizou no ano 2006.
Ademais, o rexedor quixo salientar o aumento de efectivos para as tarefas de socorrismo nos areais cervenses, que pasaron de 7 a 10 efectivos “o que supón unha suba de preto o 50%” recalcou Villares. Para Villares, este aumento de persoal suporá unha mellora substancial respecto das tempadas estivais pasadas “porque poderemos dar unha mellor cobertura para os bañistas e tamén nos vai a permitir ter en mellores condicións de limpeza os nosos areais, o que irá en beneficio de todos os usuarios das nosas praias e tamén, como non, dos veciños e veciñas de Cervo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
