Ribadeo, 4 de agosto de 2021. O presidente de Acisa, Francisco Iriarte, fíxolle entrega a Juan Ignacio Vijande Martínez dunha tarxeta por valor de 150 euros como gañador dun dos premios dos días azuis do comercio galego, campaña organizada pola Federación Galega de Comercio e á que a asociación se adheriu.
Iriarte indicou: “hoxe facémoslle entrega desta tarxeta de 150 euros a Juan Ignacio, por ter sido un dos gañadores da campaña Días Azuis do Comercio Galego, organizada pola Federación Galega de Comercio en colaboración coa Xunta de Galicia e a que nós dende Acisa nos unimos. A alegría é dobre, non so porque unha desas tarxetas que se sorteaban caera en Ribadeo si non porque ademais foi entregada por un socio de Acisa: Gestión de Sistemas Eléctricos Ribadeo”.
O presidente de Acisa dixo: “estamos moi contentos de que un ribadense leve para a súa casa esta tarxeta de 150 euros para gastar en calquera negocio do comercio local”.
Iriarte Quintana fixo tamén unha valoración da situación actual de Ribadeo: “dende Acisa Ribadeo queremos destacar que a nosa localidade vai pasiño a pasiño, agora estamos nunha situación epidemiolóxica mellor. En Ribadeo os casos positivos están baixando e todo parece indicar nos atopamos nunha situación mellor que a de hai unha semana. Estamos tamén mellor que outras zonas da comarca, que por desgraza están sendo golpeadas con mais foza nesta quinta baga. Por iso, aínda que mantendo a prudencia e a responsabilidade, dicímoslle á xente que Ribadeo sigue sendo un lugar seguro para desfrutar e para visitar”.
Pola súa banda o xerente de Acisa, Jesús Pérez, sinalou: “queremos seguir facendo un chamamento á Xunta de Galicia para que teña en conta o dano económico que está a ocasionar esta situación. Estamos a falar con moitos hostaleiros do noso municipio, é certo que Ribadeo ten unhas boas cifras turísticas, pero ollo porque iso non quer dicir que teñamos unhas boas cifras de consumo, nin en comercio nin especialmente en hostalería. Seguimos denunciando os problemas que lles están a ocasionar aos hostaleiros estas medias restritivas, perdendo moitos clientes e tendo que sufrir agresións verbais, criticas en webs turísticas… por culpa dunhas normas aleatorias, no sentido de que nuns concellos aplícanse e noutros non. No noso caso con maior gravidade, xa que os propios hostaleiros estannos a dicir de moitos clientes que se despiden deles e dinlles que se van para outros sitios nos que non se pide ningún certificado”.
Pérez Prada sinalou: “gustaríame acabar mostrando o apoio publico da asociación aos negocios que cumpren coa normativa, que a pesar de non seren policías paréceno e están a sufrir insultos, vexacións … por cumprir o que a lei di. E gustaríame por tanto tamén pedirlle paciencia, sentidiño e educación aos veciños e veciñas de Ribadeo e especialmente aos visitantes, xa que o único que están a facer os donos ou empregados dos negocios é cumprir coa lei. Ademais cando un sae de viaxe, en plena pandemia, debe informarse ben de todas as normativas en vigor en cada momento”.
Desde Acisa presidente e xerente fan unha chamada de atención: “pedímoslles a todos os negocios que cumpran coas normativas en vigor en cada momento, xa que de non ser así poden ser obxecto de importantes sancións. Temos que destacar que os socios de Acisa cumpren escrupulosamente coas normas, quizais porque as coñecen á perfección grazas ao noso asesoramento ou simplemente por responsabilidade. E polo tanto facemos un chamamento para que as forzas e corpos de seguridade de Ribadeo, vixíen con maior atención a aqueles establecementos que se ve claramente que non cumpren coas normativas marcadas polo nivel alto de restricións no que nos atopamos. É polo ben de todas e todos”.
E lembraron que “as normas non as pon Acisa Ribadeo. A xestión da pandemia en Galicia así como as normativas que se aplican sobre a hostalería e o comercio son competencia da Xunta e non das asociacións empresariais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
