Lugo, 7 de agosto de 2021. A subdelegada do Goberno, Isabel Rodríguez, destacou hoxe o compromiso que mantén o Executivo de Pedro Sánchez cos veciños da provincia de Lugo, que se traduce nun esforzo investidor e no desenvolvemento de políticas sociais que non teñen precedentes. Resumiu así o balance de rendición de contas da xestión do Goberno na provincia durante o último semestre.
“O Goberno de Pedro Sánchez cumpre con Lugo e cos lucenses, así o demostran os investimentos destinados á provincia e os numerosos proxectos que desbloqueamos e sacamos adiante”, resaltou a subdelegada, que pasou revista aos proxectos impulsados polo Executivo en Lugo.
Isabel Rodríguez afirmou que “no medio dunha grave crise sanitaria como a provocada polo coronavirus, este Goberno foi quen de dar protección ás persoas para que ninguén quedara atrás e fixo fronte á emerxencia sanitaria sen desatender o cumprimento do seu compromiso coa provincia”.
A subdelegada lembrou que a provincia de Lugo beneficiase este ano dun aumento do 98,9% nos investimentos reais do Estado na provincia. O maior esforzo investidor está a realízalo o Ministerio de Transportes, Mobilidade e Axenda Urbana, a través de Adif, en cumprimento do compromiso de modernizar e mellora da ferrocarril na provincia, para o que investirá 546 millóns de euros entre 2021 e 2023. No que levamos de ano Adif xa adxudicou actuacións por importe de máis de 135 millóns de euros, entre os que destaca a obra para construir o túnel de Oural.
Dentro das políticas de apoio ao turismo e á posta en valor do Camiño de Santiago, o Goberno vén de incluir o proxecto da Mancomunidade da Mariña nos Plans de Sustentabilidade Turística en Destino, que mobilizará un investimento total de 3 millóns de euros, con 1 millón financiado polo Ministerio de Industria, Comercio e Turismo.
Pola súa parte, o Ministerio de Transportes, Mobilidade e Axenda Urbana ten en marcha distintas actuacións de apoio ao Camiño Francés nos concellos de Palas de Rei, Portomarín, Paradela e Triacastela.
PROXECTOS DESBLOQUEADOS
Isabel Rodríguez pasou revista tamén aos numerosos proxectos que conseguiu desbloquear o Goberno na provincia.
“Cumprindo con Lugo, o Goberno de Pedro Sánchez dotou dunha magnífica sede ao Instituto Nacional de Estatística e creou o demandado novo 4º Xulgado do Social, ambos na capital da provincia, e tamén sacou adiante outro proxecto que pasara moitos anos atascado como é a construcción dunha sede digna para a Seguridade Social en Viveiro”, explicou a subdelegada.
ESCUDO SOCIAL
A subdelegada destacou tamén as importantes medidas sociais que está a desenvolver o Goberno en apoio das persoas máis afectadas pola crise económica que provocou a pandemia do coronavirus, con iniciativas como os ERTEs, ou o Ingreso Mínimo Vital e recordou que o Executivo vén de prorrogar ata o 31 de outubro as medidas do escudo social que remataban este mes.
Isabel Rodríguez informou de que o escudo social do Goberno protexeu a 18.150 lucenses acollidos a ERTEs, aos que o SEPE abonou 53,4 millóns de euros desde o comezo da pandemia.
A creación do Ingreso Mínimo Vital beneficiou a 1.928 lucenses, aos que a Seguridade Social abonou un total de 12,2 millóns de euros desde que o Goberno implantou este salario social, en xuño do ano pasado.
Para combater a fenda de xénero, o Goberno tamén puxo en marcha medidas como o pago dun complemento as pensións contributivas, do que se beneficiaron 741 lucenses desde o mes de febreiro. A contía total que lles abonou a Seguridade Social é de 38.675 euros.
Da revalorización das pensións aprobada no mes de xaneiro beneficianse 115.040 lucenses.
A subdelegada destacou, ademais, que o Goberno distribúe periodicamente máscaras para facilitar a protección das persoas máis vulnerables. Desde o comezo da pandemia distribuíronse na provincia un total de 592.500 máscaras.
Para atender ás persoas con menos recursos, no primeiro semestre deste ano destinou a 9.499 lucenses 170.412 kilos de alimentos, que foron entregados ao Banco de Alimentos e a Cruz Vermella para distribuílos na provincia a través de 73 entidades.
RETO DEMOGRÁFICO
A provincia de Lugo ten en marcha distintas medidas que desenvolve o Goberno contra o reto demográfico.
O Goberno puxo en marcha en 2020, para executar en dous anos, o Programa de Extensión de Banda Ancha de Nova Xeración (PEBA-NGA) que na provincia ten un orzamento total de 7,4 millóns de euros, con unha subvención de 5,8 millóns de euros para mellorar a cobertura da Internet en 2.773 aldeas da provincia.
Esta mesma semana, o Ministerio de Asuntos Económicos e Transformación Dixital vén de lanzar unha nova convocatoria dotada con 250 millóns de euros para extender a conectividade ultrarrápida a todo o territorio de España. Para a provincia de Lugo resérvanse 10,1 millóns de euros.
Por outra parte, Lugo foi pioneira, xunto con Xaén, nunha iniciativa de Correos para mellorar a atención aos veciños do rural que teñen acceso no seu domicilio, a través dos 212 carteiros rurais, á realización de xestións, pago de recibos e moitos dos servizos que se prestan nas oficinas da empresa pública .
APOIO AOS CONCELLOS
Entre outras medidas, o Goberno apoia aos concellos da provincia con financiando iniciativas como a rehabilitación de vivendas ou a mellora da eficiencia enerxética. Neste último caso, o Ministerio para a Transición Ecolóxia e o Reto Demográfico, a través do Instituto para a Diversificación e Aforro da Enerxía (IDEA) deulle subvencións a 35 concellos e á Deputación, por importe de 20,6 millóns para o aforro de enerxía tanto no alumeado público como na eficiencia enerxética de edificios ou instalacións municipais.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
