A Mariña, a 11 de agosto de 2021. O Partido Popular de A Mariña pide ao presidente da Mancomunidade e alcalde de Foz, Fran Cajoto, que implique á Deputación no Plan de Sostibilidade Turística, tal e como reflicte o informe económico do mesmo, e ao que a entidade deu o visto e prace na sesión plenaria celebrada esta tarde.
Deste xeito, o voceiro da formación popular nesta agrupación de municipios, Demetrio Salgueiro, incide na necesidade de que o presidente busque a colaboración doutras administracións, como é o caso do organismo provincial, xa que, como se especifica no documento, reduciría a aportación que teñen que facer os Concellos, nun momento no que, engade Salgueiro, “as arcas municipais xa están moi deterioradas”.
“Agardamos que a Deputación de Lugo se sume aos proxectos da Mancomunidade, xa que, non facelo, sería difícil de entender e renunciar a unha oportunidade para por en valor A Mariña e a súa economía”. “Non podemos esquecer, remarca, que o turismo é unha das nosas principais fontes de ingresos e de xeración de emprego”. Ademais, lembra, trátase “dun Plan que foi aprobado cunha aportación por parte do Estado de 1 millón de euros e outro millón pola Xunta de Galicia, polo que ten que supoñer un antes e un despois no turismo comarca”
O tamén alcalde de Xove fai esta valoración co fin de “sumar apoios”, xa que “dende o PP somos os primeiros que queremos impulsar un turismo rentable para A Mariña”. A este respecto, manifesta: “coincidimos co presidente que, recentemente, dicía que a comarca debía aspirar a ser un reclamo turístico tamén fóra da tempada de verán, e que o turismo á súa vez debe contribuír á mellorar a cohesión territorial e frear a perda demográfica nos concellos do interior, por iso sería importante, conclúe, contar coa aportación da Deputación”.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
