Viveiro, 18 de agosto de 2021. Nos usos políticos existe, desafortunadamente, unha tolerancia considerablemente máis alta que na maior parte dos outros campos de relación social con respecto á interpretación da realidade. Pero, incluso en política, e nun tempo como o que nos toca vivir, hai límites. Pois ben, en opinión do portavoz popular, Óscar Rodríguez, a alcaldesa de Viveiro, María Loureiro (PSOE), descoñece os límites en canto ao tolerable no que se refire ao recurso á demagoxia e a impostura política. Só así, sinala Rodríguez, é posible que despois de que o seu partido, o PSOE, rexeitara en varios ámbitos (un deles, a Deputación, da que Loureiro forma parte) as iniciativas do PP para non incluír ao lobo do Listado de Especies Silvestres en Régimen de Protección Especial veña agora demandando “unha reunión coa conselleira de Medio Ambiente, Ángeles Vázquez, co obxectivo de tratar a problemática do lobo que está a afectar ao municipio”.
A alcaldesa parece que, tarde, mal e arrastro, empeza a comprender, agora que choven as críticas cidadáns, “a problemática situación que acontece dende hai meses e que se está agravando dende hai un tempo derivada dos animais que aparecen atacados polo lobo, como ovellas, vacas ou cans, e outros que desaparecen”. O texto entrecomiñado está sacado da páxina de Facebook do Concello de Viveiro; no mesmo texto dise que o problema “afecta á provincia de Lugo, e concretamente, entre outros, ao Concello de Viveiro”. A alcaldesa de Viveiro forma parte da Deputación na que o PSOE rexeitou a iniciativa popular para non incluír ao lobo do Listado de Especies Silvestres en Régimen de Protección Especial; por certo, no Parlamento de Galicia acadouse acordo no seu momento.
Rodríguez tamén sinala: “Ten razón a señora Loureiro cando na citada páxina do Concello de Viveiro di que nos últimos tempos a situación empeorou” e “ademais de sucederse os ataques no rural, cada vez estanse incrementando máis na zona urbana, con proximidade ás vivendas, co perigo que esta situación pode implicar non só para os animais domésticos senón tamén para as persoas”. Os populares din que ten razón a alcaldesa de Viveiro: a situación empeorou. O portavoz popular sinala: “E máis empeorará se o Goberno de España non recúa neste asunto. E vostede, señora Loureiro, e o PSdeG serán os responsables, e non lle vale de nada intentar desviar a atención cara á Xunta; a responsabilidade é do Goberno de España, é dicir, do PSOE, que é tanto como dicir do partido ao que vostede representa no Concello de Viveiro”. Rodríguez lembra que o Consello de Estado cuestionou seriamente a orde pola que se incluía o lobo no citado listado de protección especial.
O portavoz popular di: “María Loureiro debe deixar de intentar enganar aos veciños e esforzarse por ser máis coherentes e menos demagoga”. Engade: “Canto mellor sería que falase cos seus compañeiros de Madrid e deixaran as cousas como estaban, porque o lobo xa tiña suficiente protección sen chegar a estes extremos”. Tamén destaca que o Goberno de Pedro Sánchez “ten o rural totalmente desatendido e María Loureiro está facendo o mesmo coas nosas parroquias”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
