Lugo, 3 de setembro de 2021. Elena Candia reuniuse coas tres persoas de afiliación máis recente ao Partido Popular da provincia de Lugo dando continuidade á súa campaña de cara ao 18 Congreso provincial que se celebrará o vindeiro domingo 19 de setembro, despois de recibir tamén aos tres afiliados máis veteranos en sinal de recoñecemento á totalidade da militancia polo seu apoio.
A actual presidenta e candidata a revalidar o cargo puxo en valor “o incremento na afiliación de xente moza” que supón integrar no proxecto político do Partido Popular da provincia de Lugo a “caras novas en ideas e en gañas de traballar na defensa dos intereses de tódolos lucenses”. Candia xa anunciara o compromiso do Partido de outorgar protagonismo á xente moza e, de feito, a comisión organizadora do Congreso está integrada por sete persoas novas: seis mulleres e un home.
A popular continuará escoitando á xente nova “que está a construír o futuro da nosa provincia” e manterá unha reunión, durante os actos de campaña, cos concelleiros de xuventude de distintos concellos da provincia para coñecer máis de preto as actuacións que demandan os mozos e mozas.
Atendendo ás suxestións dos rapaces e rapazas, Candia comprometeuse tamén a reforzar a presenza do Partido Popular da provincia de Lugo nas redes sociais onde xa está a compartir a información sobre as iniciativas dos seus representantes nas distintas institucións, as súas reivindicacións ou sobre as reunións de traballo que mantén de forma habitual a presidenta, entre outras actividades. Así, ademais da súa páxina en facebook (Partido Popular provincia de Lugo) e do perfil en twitter (@ppdelugo), o PP da provincia de Lugo dispón tamén dunha nova conta en instagram (@ppdelugo).
Afiliados e compromisarios
Candia escoitará a vindeira semana aos afiliados e tamén aos compromisarios que deberán exercer o seu dereito ao voto na urna o propio día do 18 Congreso provincial do PP.
O prazo para que os afiliados inscritos para participar no cónclave formalicen a súa inscrición como compromisarios remata o vindeiro mércores 8 de setembro.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
