Lourenzá, 6 de outubro de 2021. O recinto feiral de Vilanova de Lourenzá acollerá este domingo, día 10 de outubro, concursos morfolóxicos, exposición e carreiras de cabalos de pura raza galega. Estas actividades están organizadas polo Concello de Lourenzá en colaboración coa Asociación de Criadores de Cabalo de Pura Raza Galega (PURAGA).
A alcaldesa de Lourenzá, Rocío López, anunciou que “este domingo, 10 de outubro, o Concello de Lourenzá e PURAGA van celebrar no recinto feiral o primeiro concurso morfolóxico oficial de cabalos de pura raza galega e tamén unha exposición cabalar. Ademais do concurso de cabalos, eguas e poldros, haberá carreiras de cabalos do país de andadura serrada e chapeada. Esta xornada estará animada polo grupo de música tradicional Souto Xímaro e tamén se poderá degustar o polbo nas dependencias da feira laurentina”.
A rexedora municipal engade que “será obrigatorio utilizar mascarilla en todo o recinto e en todas as actividades programadas cumpriranse os protocolos Covid”.
O responsable da sección de andadura de PURAGA, Nacho López, explica que “na asociación estamos traballando principalmente na promoción do cabalo de pura raza galega e aparte levamos aproximadamente un ano cun novo proxecto, que se trata da recuperación do cabalo marchador galego. A andadura galega é un deporte tradicional de Galicia desde hai séculos. Primeiramente os cabalos de andadura utilizábanse sobre todo para o transporte de persoas porque pola súa capacidade de movemento de andadura permitían á xente moverse durante moito tempo dunha maneira moi cómoda. Co paso do tempo e coa aparición de razas foráneas estes cabalos de andadura tradicional foron perdendo un pouquiño o seu lugar e por parte da asociación o que queremos é facer un rexistro para recuperar estes cabalos de andadura tradicional. E consideramos que a mellor maneira para empezar a recuperalos é darlles o seu lugar en feiras e concursos para que volvan ao sitio que foron perdendo co paso do tempo. Por iso na asociación seguimos traballando cos cabalos de pura raza galega e tamén temos un proxecto para recuperar os cabalos de andadura tradicional que hai por toda Galicia e que están un pouco abandonados pola entrada de cabalos de razas foráneas, principalmente de trotóns. A xente ten moita aceptación por este proxecto porque levan visto durante toda a súa vida estes cabalos de andadura tradicional, que son autóctonos de aquí, que non son tan rápidos como os foráneos pero son os cabalos que hai en Galicia desde hai séculos e moita xente ten morriña de volver velos nas feiras, polo seu movemento e pola súa calidade”.
En canto ao programado para este domingo en Lourenzá, Nacho López anuncia que “pola mañá faremos concursos morfolóxicos oficiais de cabalos de pura raza galega, de machos, de femias e de poldros e poldras de entre 6 e 2 anos, para valorar o futuro da raza e darlles o seu lugar tamén xa que senón eses poldros estarían na casa ata que tiveran a idade para participar nos concursos de adultos; para animar aos gandeiros a empezar a concursar con eses cabalos xa desde curta idade fixemos este concurso para poldros. Despois, a mediodía, presentaremos publicamente o proxecto de recuperación do cabalo marchador galego, no que levamos un ano e pico traballando tanto a asociación como un grupo de gandeiros; queremos ver a reacción da xente aínda que xa hai moitos que están pola labor de participar nel. E pola tarde faremos unhas carreiras nas que soamente poderán correr cabalos de andadura tradicional do país, que virán de toda Galicia e que son cabalos que habitualmente non participan en concursos de andadura porque foron relegados pola entrada de cabalos foráneos trotóns; entón xa que non hai sitio para eles noutras feiras na asociación PURAGA fixemos esta, na que exclusivamente poderán correr eses cabalos, para darlles o sitio que merecen porque para nós son tan cabalos galegos como os que máis. Finalmente faremos a entrega de premios cun algún especial para o mellor cabalo de pura raza galega da feira. E teremos servizo de pulpería e churrería, ademais de música tradicional, para animar á xente”.
Para rematar Nacho López destaca que o obxectivo principal “é facer unha feira moi enxebre, moi tradicional, dándolles o seu lugar aos cabalos tradicionais de Galicia. A nós gústannos todo tipo de cabalos pero queremos defender sobre todo ao cabalo autóctono de Galicia, tanto o de pura raza galega como o de andadura tradicional”.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
