Lugo, 11 de outubro de 2021. O Presidente da Deputación de Lugo, José Tomé Roca, e a representante da ACRD Aturuxeiros de Bravos, María del Carmen Rivera, asinaron no Pazo de San Marcos un convenio de colaboración a través do que a institución provincial contribúe cunha achega de 5.000€ á organización de actividades de convivencia interxeracionais.
No marco do seu traballo, Aturuxeiros de Bravos organiza actividades e xornadas lúdicas con xogos, competicións, obradoiros e actuacións encamiñadas a promover a asistencia e a participación non só da xente da parroquia, senón tamén da veciñanza da comarca e dos visitantes que pasan as súas vacacións na Mariña. A Deputación de Lugo contribúe así á dinamización social, ao fomento da convivencia e a manter viva a cultura.
O programa inclúe xogos tradicionais, actuacións de maxia, obradoiros, campionatos, e posta en común e recollida de tradicións, oficios e curiosidades da historia da parroquia de Bravos. “Estas actividades ademais de ser únicas tamén son necesarias, sobre todo nos tempos que vivimos, onde as medidas de prevención da Covid-19 nos manteñen máis illados e sen viaxar”, indica o mandatario provincial.
A axuda da institución provincial destínase ao alugueiro do equipo electróxeno necesario, contratación do servizo de autobús que recolle á veciñanza, adquisición de trofeos para as competicións deportivas, compra de recordos para os participantes e material de desinfección e limpeza.
A asociación
A asociación cultural, recreativa e deportiva Aturuxeiros de Bravos fundouse no ano 2014 froito das inquedanzas dun grupo de veciños e veciñas e amigos de todas as idades que teñen raíces na parroquia de Bravos, en Ourol. O seu obxectivos son dinamizar a parroquia e tentar ofrecer maneiras de unir á veciñanza para poñer en valor a tradición e a cultura deste municipio, á vez que se dá a coñecer ao resto da cidadanía os valores e principios da localidade.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
