Viveiro, 15 de outubro de 2021. O portavoz do PP en Viveiro, Óscar Rodríguez, puxo en valor esta mañá en rolda de prensa o esforzo da Xunta de Galicia na mellora das infraestruturas do municipio, ao fío da aprobación polo Consello da Xunta da cooperación técnica e económica co Concello para solucionar os problemas na rede de saneamento de Celeiro e do novo emisario submarino, cunha inversión de máis de 3,8 millóns. Rodríguez destacou que a institución municipal terá que poñer a disposición os terreos necesarios para executar as obras, tramitar as autorizacións previstas e asumir posteriormente as actuacións que se leven a cabo. Rodríguez destacou: “Esperemos que o goberno municipal, presidido pola señora Loureiro, sexa capaz de atender en tempo e forma as súas obrigas”. Rodríguez lembrou que dende o principio do mandato, o PP tiña á vista posta na solución dos graves problemas de saneamento de Viveiro, e traballou para conseguir solucións, un traballo que agora dá froito: “Con toda humildade, pero tamén con firmeza, teño que dicir que foi preciso que o meu grupo actuara como un goberno paralelo, á vista da incapacidade de xestión demostrada pola alcaldesa e polo seu equipo”.
O portavoz popular destacou que as intervencións incluídas no proxecto redactado por Augas de Galicia teñen como obxectivo solucionar os problemas da rede de saneamento no núcleo de Celeiro e a condución de vertido da estación de tratamento de augas residuais de Viveiro. O prazo de execución das obras é de 12 meses. Está prevista a construción dun depósito de retención e impulsión en Celeiro, novo desbaste previo para a mellora do bombeo de Rego e mellora da condución de vertido da depuradora. O mesmo representante popular indicou que as obras proxectadas complementan ás que están en execución na estación depuradora de augas residuais de Viveiro, para ampliar a súa capacidade de tratamento; neste caso, o investimento é de catro millóns de euros e as obras estarán rematadas a comezos do 2022.
Óscar Rodríguez cree que está claro que “o goberno de Galicia, do PP, ao que eu represento, é o único que inviste de maneira transcendental en Viveiro; as obras de mellora dunhas infraestruturas de tanta importancia como son as do saneamento son un bo exemplo”.
Rodríguez considera que a estas alturas do mandato está claro que o PP constitúe “a única alternativa para mellorar Viveiro, para sacar ao concello do estancamento no que se atopa pola falta de xestión do goberno municipal”. Engadiu: “Nós seguiremos traballando arreo por Viveiro, con humildade pero coa mesma determinación coa que o fixemos ata o momento”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
