Burela, 15 de outubro, 2021. O Pescados Rubén Burela FS pagou a saída irresistible do Barcelona, que chegaba ao Palau con moitas ganas de conseguir os primeiros puntos da tempada. Tras o 4-0 encaixado en 12 primeiros minutos moi efectivos para os locais, os de Alberto Riquer atoparon a forza necesaria no gol de Pitero no 13 para apostar no resto do encontro por porteiro xogador e frear os recursos blaugranas.
Saltou ao Palau o titánico Barça cun inicio explosivo. Nas súas dúas primeiras chegadas foi letal, con Ferrao á media volta ao minuto e medio e Lozano en segunda xogada tras o rexeite de Kaluza fronte ao 11 blaugrana, no 4. Tivo unha de ouro o Pescados Rubén Burela FS para frear o intenso ritmo dos locais pouco despois, no 5, cunha en bandexa de David Pazos para Iago Míguez, que non puido rematala fronte á rede. Conseguiron os de Alberto Riquer gañar en equilibrio pero chegou un dobre mazazo, con Ferrao, ao segundo pau, e A. Coelho, en estratexia, nos minutos 11 e 12. Os galegos non baixaron os brazos e atoparon a recompensa cunha recuperación de Pitero en combinación con Isma. Cumpríase o 13 de xogo e volveu á carga o Pescados Rubén Burela FS obrigando a Dídac a facerse grande.
Quintela enfundouse na camiseta de porteiro xogador para pelexar por todas as súas opcións, aposta que repetiron co regreso tras o descanso, nesta ocasión con Levi. Deixouse a alma o conxunto de Alberto Riquer para neutralizar o potencial ofensivo e así conseguiu plantarlle cara ao todopoderoso xerando perigo, con Pitero como referencia. Barcelona puido ampliar a vantaxe a porta baleira, con Coelho e Dídac nos minutos 33 e 40. Quintela anotou o segundo galego sobre a bucina aínda que non entrou en tempo.
Ficha técnica
FC Barcelona: Dídac, Matheus, Adolfo, Lozano, Ferrao, cinco inicial; tamén xogaron Povill, Coelho, Dyego, Esquerdinha, Pito, Marcenio
Pescados Rubén Burela FS: M. Kaluza, Iago Míguez, Pitero, Isma, Renato, cinco inicial; tamén xogaron Wanderson, David Pazos, Quintela, Levi, Lucho, Nito
Goles: 1-0, minuto 2, Ferrao, 2-0, minuto 4, Lozano, 3-0, minuto 11, Ferrao, 4-0, minuto 12, A. Coelho; 4-1, minuto 13, Pitero; 5-1, minuto 33, A. Coelho, 6-1, minuto 40, Dídac.
Árbitros: Néstor Juan Cerdà // Diego Martínez García. Por Burela amarela a Iago Míguez, David Pazos, Wanderson, Nito
Incidencias: Partido correspondente á xornada 2 de Primeira Masculina disputado no Palau.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
