Lugo, 20 de outubro de 2021. “Son os Orzamentos do cumprimento coa provincia de Lugo”. Así o indica a presidenta provincial do PP, Elena Candia, logo de coñecer o esforzo inversor que a Xunta de Galicia realizará o vindeiro ano no territorio lucense, e que se incrementa un 4,3% con respecto a 2021, ata os 1.600.000 de euros.
Tal é así que, destaca, “volmenos ter o maior investimento por habitante de Galicia”. Concretamente, o Goberno galego destina a cada lucense case 5.000 euros (4.926), fronte aos 4.704 de 2021. A este respecto, a líder provincial indicou que “Feijóo non lle falla a Lugo”, a diferenza, engade, do Goberno central. Por tanto, “non é o mesmo que gobernen uns que que gobernen outros”.
Elena Candia manifesta que “son unhas contas moi positivas”, xa que recollen “todos e cada un dos compromisos do Goberno galego cos lucenses”. Como exemplo, cita a popular, as melloras que se farán nos hospitais comarcais, o centro integral de saúde de Lugo, dotación de servizos no Hula; infraestruturas que vertebrarán a provincia e os concellos, como a conversión do corredor Nadela-Sarria, o acondicionamento da estrada de Folgoso do Courel, a ronda leste de Lugo; ou actuacións en materia de saneamento como as EDARes de Viveiro, Burela, Foz, Friol, Monterroso, Portomarín ou Castro de Rei.
E é que Lugo, indica, “tamén será un referente en Educación como anunciou onte o conselleiro, e no eido da I+D+I co investimento no Polo de Rozas”. “Agredecemos, por tanto, a vontade colaboradora da Xunta de Galicia, que demostra unha gran sensibilidade coa nosa provincia, suplindo así a falta de compromiso doutras administración como a do Estado e incluso a Deputación”.
“Creo que hoxe é un día bo para Lugo e para os lucenses, pois non podemos esquecer que máis de sete de cada 10 euros do Orzamento serán para gasto social en Galicia”. A este respecto, Candia remarcou que “son as contas da reactivación e da recuperación”. A popular considera relevante que a Xunta “fixese un ano máis os deberes”, presentando o documento orzamentario en “tempo e forma”; cuestión que a presidenta, di, ten “unha extraordinaria importancia como xestores públicos”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
