Foz, 10 de novembro de 2021. As fuxidas cara adiante dan resultado algunha vez, pero non cando son sistematicamente utilizadas para intentar saír dos trollos nos que se mete un mesmo. O alcalde de Foz, o socialista Fran Cajoto, vai de erro en erro e só se lle ocorre fuxir cada adiante para escapar deles. Acaba de facelo de novo ao anunciar que sacará a oferta pública unha praza de policía local, cando xa está pechada a convocatoria da Xunta e non aparece a de Foz. O portavoz popular, Javier Castiñeira, sinala: “Dende o PP de Foz entendemos o nerviosismo do alcalde, especialmente cando o PP lle preguntou no pleno por que non sacou a praza de policía local que hai vacante despois de prometelo no mes de xullo; preguntámolo porque sabiamos a ciencia certa que non a solicitara, porque xa saíra a convocatoria da Xunta de Galicia, na que o Concello ten delegado, por propia petición do alcalde, a selección, o 22 de outubro e non saíra Foz. Saíron 29 prazas entre as que non está a da Policía Local de Foz”.
Castiñeira explica: “Ante esa situación, o que queriamos escoitar era a explicación de por que non se solicitou; se foi un caso de esquecemento ou se debeu a falta de organización ou é atribuíble a cuestións económicas. Cajoto non quixo contestar”.
Para o portavoz popular, “o grave é a fuxida cara adiante, a mentira”. Sinala: “É grave que no día de onte, dúas semanas despois de que saíra a convocatoria da Xunta e non aparecera Foz, que o alcalde prometa que vai saír a oferta dunha praza de policía local, cando sabe perfectamente que non vai poder sacala, porque a convocatoria xa está e Foz non figura nesa listaxe, polos motivos que o alcalde non nos quixo dicir e non vai poder facelo na convocatoria deste ano 21-22 e terá que ser para a seguinte”.
Castiñeira di: “Cajoto non pode falar de oferta pública, porque ten delegadas esas competencias na Xunta e non vai poder cumprilo. É unha fuxida cara adiante das moitas do señor Cajoto, intentando culpar aos demais de todos os males que el mesmo ten por falla de organización e comunicación, por falla de equipo ou por falla de confianza no seu equipo que, posiblemente, sexa este o motivo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
