Santiago, 24 de novembro de 2021. O Parlamento galego aprobou hoxe a proposición non de lei do Grupo Popular, sen o apoio de BNG e PSdeG, a través da que se demanda ao Goberno central que garanta o cumprimento da Lei de cadea alimentaria para evitar a venta a perdas dos gandeiros galegos, que recoñeza os resultados económicos da Conta Láctea ou outras aplicacións para a acreditación do custo efectivo da produción e facilite a constitución de organizacións de produtores lácteos axeitada ao tamaño das explotacións galegas. Así mesmo, demándase ao Goberno galego impulsar campañas de concienciación ao consumidor final sobre o papel esencial do sector primario, reforzar a promoción dos produtos lácteos galegos, apoiar a demanda de base territorial dos gandeiros e axilizar a constitución do Observatorio Lácteo Galego.
A portavoz popular do Medio Rural, Elena Candia, subliñou que o Goberno galego “ten un claro compromiso co sector lácteo” e referiuse en concreto ao desenvolvemento da estratexia de dinamización deste sector, “que aposta por consolidar unha relación equilibrada entre gandeiros, industria e distribución para que o valor xerado se reparta de xeito harmónico e tamén equilibrado”.
“Unha estratexia que busca consolidar Galicia como unha das principais rexións lácteas de Europa pero cun alto nivel de competitividade, sustentabilidade e capacidade de resiliencia”, manifestou Elena Candia. En concreto, avogou por aumentar a base territorial das explotacións gandeiras, “un obxectivo que se inclúe na recién aprobada Lei de recuperación da terra agraria galega con instrumentos como os polígonos agrogandeiros, os procesos de reestruturación parcelaria e a ordenación de usos especialmente importantes nas zonas de produción leiteira”.
Candia tamén se referiu “á importancia das axudas aos plans de mellora ou á incorporación de mozos e mozas á actividade agrogandeira”, que no vindeiro orzamento da Xunta para 2022 disporán de 72 millóns de euros.
RELACIÓN EQUILIBRADA
“Pero o importante é acadar unha relación equilibrada e ser capaces de reforzar a posición negociadora dos nosos agricultores e gandeiros”, indicou a portavoz popular. Neste punto, salientou a posta en marcha da aplicación Conta Láctea a través da que os gandeiros poden calcular os seus custos de produción e levar unha contabilidade rigorosa das explotacións lácteas.
Para rematar, Elena Candia asegurou que “o consumidor final tamén resulta clave”, polo que considerou necesario que “sexamos capaces de que perciba todo o traballo que leva consigo a produción láctea galega e a garantía de que o noso leite responde aos maiores estándares internacionais de calidade, de benestar animal e seguridade alimentaria”.
“O consumidor final ten que valorar o esforzo, traballo e entrega que hai detrás de cada litro de leite, e ten que saber recoñecer a resiliencia e sacrificio dun sector que foi adaptándose a moita normativa nos últimos anos e que sufriu moitas veces decisións equivocadas de gobernos”, sinalou.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
