A Mariña, 26 de novembro de 2021. Co fin de promocionar o Turismo Rural de Galicia, no marco do Xacobeo 2021-22, a Federación Galega de Turismo Rural iniciaba onte, xoves, no Camiño do Norte unha actividade de familiarización de axentes de viaxes turísticos con aloxamentos de turismo rural.
Grazas a un convenio asinado entre a Federación Galega de Turismo Rural (FEGATUR) coa Axencia de Turismo de Galicia, en colaboración coa Asociación de Turoperadores Receptivos de Galicia (ATREGA) e a Asociación Galega de Axencias de Viaxe (AGAVI), estanse organizando varios viaxes de familiarización (fam trips) en catro dos camiños de Santiago (Camiño de Inverno, Camiño do Norte, Vía da Prata e Camiño de Fisterra-Muxía). Trátase dunha primeira aproximación ao turismo rural e a súa oferta diferencial e de calidade para os axentes de viaxes participantes.
Máis de 50 axentes de viaxes de Galicia e de diversos puntos de España -doce dos cales coñecerán o Camiño do Norte ao seu paso pola Mariña Lucense- van poder comprobar por eles mesmos a conexión do turismo rural e a ampla oferta de experiencias presentes a carón dos camiños, coas que logo elaborar atractivos paquetes turísticos para os seus clientes.
Na visita prevista ata mañá, sábado 27 de novembro, na que participa a Mancomunidade de Concellos da Mariña Lucense, os distintos axentes de viaxes turísticos coñecerán de preto a vinculación do turismo rural co Camiño do Norte no tramo que atravesa os municipios de Ribadeo, Barreiros, Lourenzá e Mondoñedo, aproximándose tamén ata Foz e Cervo.
O presidente da Mancomunidade, Fran Cajoto, considera que “o turismo rural de Galicia en destinos pouco masificados coma o noso onde ademais se vén apostando polo turismo slow dende xa hai anos, na situación actual de pandemia que vivimos, é unha opción inmellorable para o descanso e lecer no noso territorio. Esta iniciativa vai permitir ás axencias de viaxes participantes explorar o noso territorio vinculado ao Camiño de Santiago e outros puntos próximos da man do turismo rural e a singularidade deste que pode axudarlles a ofrecer aos seus clientes experiencias auténticas e de calidade, ao tempo que permiten a estes aloxamentos de pequeno tamaño poder seguir traballando de forma continuada durante todo o ano. Dende a Mancomunidade animamos a estes profesionais a apostar polo turismo rural galego, polo Camiño do Norte e polo xeodestino da Mariña Lucense. E agradecemos a José Manuel Villapol, dono de Finca Goleta, presidente da Asociación de Turismo Lugo Costa e membro de FEGATUR, a súa implicación na promoción do turismo rural de calidade”.
Dentro deste fam trip hoxe, venres, pola tarde terá lugar un encontro de traballo entre persoas propietarias de establecementos do territorio e as que traballan no sector das axencias de viaxes, no que tamén participará persoal técnico da Mancomunidade e que axudará a propiciar un achegamento de traballo e intercambio de ideas, buscando definir novas sinerxías que contribúan á desestacionalización e diferenciación do turismo rural galego.
Onte, xoves, os participantes nesta iniciativa estiveron en Mondoñedo mergullándose na súa historia e cultura local, visitando da man da guía oficial de Galicia Claudia del Pino tanto o centro histórico como os seus diversos atractivos turísticos. E para hoxe, venres, o programa de actividades inclúe visitas ao Espazo Caritel e á basílica de San Martiño, en Foz, e a continuación un percorrido pola costa de Barreiros e unha actividade de interpretación xeolóxica no Monumento Natural da Praia das Catedrais en Ribadeo da man de Fran Canosa. O xantar será en Lourenzá, onde pola tarde farán unha visita cultural coa Ruta da Faba como fío condutor. Posteriormente terá lugar o encontro de traballo entre establecementos de turismo rural e axencias de viaxe en Casa do Mudo, de Cervo. O programa remata mañá, sábado, cun almorzo e visita á fábrica de Sargadelos e ao conxunto histórico-artístico.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
